SIGN IN YOUR ACCOUNT TO HAVE ACCESS TO DIFFERENT FEATURES

FORGOT YOUR PASSWORD?

FORGOT YOUR DETAILS?

AAH, WAIT, I REMEMBER NOW!
KUKALDOSH.UZ
  • LOGIN

KUKALDOSH.UZ

  • Bosh sahifa
  • Madrasa
    • Madrasa tarixi
    • Rahbariyat
    • Yotoqxona
    • Axborot-resurs markazi
  • Yangiliklar
  • Maqolalar
    • Qurʼon ilmlari
    • Aqida
    • Fiqh
    • Tafsir
    • Hadis
    • Arab tili
    • Yurtimiz allomalari
    • Islom tarixi
    • Raddiyalar
    • Axloq va tarbiya
    • Bagʼrikenglik va jamiyat
    • Elektron kitoblar
  • Taʼlim
    • 4 yillik öquv dasturi
    • Ilm talab qilish odoblari
  • Kurslar
    • Qurʼoni Karim va tajvid kursi
    • Tayyorlov kursi
  • Qabul
    • Qabul tartibi
    • Kiriş imtihonlari 2027-2028
    • Ötiş ballari
    • Topşirganlar soni
    • Imtihon duolari
  • Boğlaniş
Ҳиммати олий киши жаннатдан бошқасига рози бўлмайди
28.08.2023 / Bo‘limda Maqolalar

Баён қилиш зарур бўлган фарқлар

Ёмонликка ундовчи нафс инсонни гоҳида Аллоҳ таоло рози бўладиган амалга, гоҳида Аллоҳ таоло ғазаб қиладиган амалга ундаш билан алдайди. Диққат билан қарашни талаб қиладиган нозик фарқли бу алдовдан фақат жуда онгли ва Аллоҳ хотиржам нафс берган кишиларгина нажот топиши мумкин. Имом Ибн Қоййим ўзининг “Руҳ” номли китобида бу нозик фарқларни баён қиладиган жуда фойдали сўзларни келтирган. Биз бу ўринда ўзимизга лозим бўлган баъзи қисмларини келтириб ўтамиз.

Ўз қадрини билиш билан ғурурланиш ўртасидаги фарқ.

Ўз қадрини билиш – инсон обрўсини тўкадиган пасткашлик, разиллик ва тамаъгирликлардан ўзини сақлашидир. Ундай ишларни ўзига ор деб билмоғидир. Ғурурланиш – ўзидан ажабланиб, манманлик қилиш ва бошқаларни писанд қилмаслик. Шу икаласидан ғурур пайдо бўлади. Ўз қадрини билиш – иккита юксак хулқдан пайдо бўлади, у икки хулқ:

Ўзини эъзозлаш ва ҳурматини билиш;

Нафси паст ва камтар бўлиши учун ўзининг муҳимлигини ҳис қилмоқ.

Шу икки хулқдан ўз қадрини билиш пайдо бўлади. буларнинг асли нафсни чиниқтириш, жиловлай билиш ва эгаси унга маънавий қувват ва ёрдам бериши билан бўлади. Агар унда чиниқтириш ва қувватлаш бўлмаса яхшилиги қолмайди.

Ўзини эҳтиёт қилиш билан такаббурлик орасидаги фарқ.

Ўзини эҳтиёт қиладиган одамнинг мисоли: бир киши янги, оппоқ ва қимматбаҳо кийим кийган, у кийим билан саройга ва бошқа жойларга боради. Кийимини кир қиладиган барча ифлос, чанг ва лойлардан авайлайди. У одам қаерда кийимига доғ текадиган нарса бўлса, ўша ердан узоқ юради. Оппоқ кийимига бирор нарса тегса тезда уни кеткизишга ва тозалашга ҳаракат қилади. Ўзини, қалби ва динини эҳтиёт қилган одам ҳам худди шунга ўхшайди. Гуноҳнинг ифлослиги ва унинг асаридан ўзини узоқ тутади. Гуноҳнинг қалбдаги доғи ва асари оппоқ кийимдаги кирнинг доғи ва асаридан жуда қаттиқдир. Аммо кўзлар буни кўришликдан маҳрумдир. У қалбини кирлайдиган нарсалардан ва қалбининг бузилишидан қўрқиб ҳар хил одамларга кўп аралашишдан ўзини узоқ тутади. Худди оқ кийимини авайлаш учун терифуруш, қассоб ва ошпазлардан ўзини узоқ тутгани каби.

Баъзи мансабдор одамлар ҳам ўзини шундай эҳтиёт қилади. Аммо улар ўзини баланд олиб бошқаларни оёқ ости қилишади.

Кибр (такаббурлик) – зулм ва нодонликка тўла қалбнинг ахлоқсизлиги ва ўзига ўзи қойил қолиб юришнинг натижасидир. Ундай қалбдан иймон қочади ва унга балолар ёғилади. Кибрли одам бошқаларга нафрат билан қарайди, улар орасида кибр билан кеккайиб юради. Улар билан худди хўжайинлардек муомала қилади. Бировга салом бермайди, бировнинг саломига алик олса ўзини гўё унга яхшилик қилгандай тутади. Уларга табассум қилмайди, улар билан орасида ҳақ-ҳуқуқ борлигини инобатга олмайди. Баъзи нарсаларда бу, баъзи нарсаларда улар афзал эканини тан ололмайди. Бундай одамлар Аллоҳдан узоқлашаверади, одамлар орасида беписанд бўлиб, нафратга учрайверади.
Асадулло Холмуродов
Кўкалдош ЎМИБЮ мударриси

What you can read next

Ҳиммати олий киши жаннатдан бошқасига рози бўлмайди
Ҳиммати олий киши насабли эмас, иқтидорли бўлади
Фурсатни ғанимат билинг (1-қисм)
Фурсатни ғанимат билинг (1-қисм)
Ашъарий ва мотуридийлар ҳамда уларнинг йўлидан юрганлар муаттила (сифатларни инкор қилувчи) ҳисобланадиларми!?
Ашъарий ва мотуридийлар ҳамда уларнинг йўлидан юрганлар муаттила (сифатларни инкор қилувчи) ҳисобланадиларми!?

СЎНГИ МАҚОЛАЛАР

  • Mustaqillik — uluğ ne’mat

  • Kitoblar bilan muomala qiliş odoblari va ularni qölga kiritişga tarğib

  • ILM AMAL BILAN KAMOLGA YETADI

  • Ustoz va şogirdga umumiy bölgan odoblar

  • Kökaldoş madrasasida Xalqaro bağrikenglik kuniga bağışlangan “Zakovat” intellektual öyini taşkil etildi

ҚИДИРУВ ХИЗМАТИ

БЎЛИМЛАР

  • Bosh sahifa
  • Madrasa
  • Yangiliklar
  • Maqolalar
  • Taʼlim
  • Kurslar
  • Qabul
  • Boğlaniş

Тезкор ҳаволалар

  • Qabul tartibi
  • Kiriş imtihonlari 2027-2028
  • Ötiş ballari
  • Topşirganlar soni
  • Qurʼoni Karim va tajvid kursi
  • Tayyorlov kursi
  • 4 yillik öquv dasturi
  • Imtihon duolari

АЛОҚА

Тошкент 100208, Чилонзор тумани, Гулистон кўчаси, 37/1

+998 94 988 23 43

info@kukaldosh.uz

ХАРИТА

KökaldoşKökaldoş

Yandex xarita →Google xarita →

© 2018 - 2026. kukaldosh.uz | Ўзбекистон Мусулмонлари идораси "Кўкалдош" ўрта махсус ислом билим юрти.
Барча хуқуқлар химояланган. Сайтдан маълумот олинганда манба кўрсатилиши шарт.
АОКА интернет-ОАВ гувоҳномаси рақами: 1221

TOP