“Кўкалдош” ўрта махсус ислом билим юрти мударрислари ва ишчи-ходимлари Тошкент шаҳридаги туман ҳокимликлари, маҳалла фуқаролари йиғинлари, умумтаълим мактаблари, ўрта махсус, касб-ҳунар таълими ва Олий таълим муассасаларида оилалардаги ижтимоий-маънавий муҳитни янада соғломлаштиришга бағишланган тарғибот тадбирларида фаол иштирок этмоқда. Ташкил этилаётган тадбирларда ижтимоий-маънавий муҳитни янада соғломлаштириш, ақидапарастлик, турли маънавий таҳдидларнинг олдини олиш масалаларига алоҳида эътибор қаратилмоқда. Жумладан:
Билим юрти мудири М.Насриев Тошкент шаҳар Учтепа туман ҳокимлиги мажлислар залида ўтказилган тадбирда “Жаҳолатга қарши маърифат” мавзусида маъруза қилди. Шунингдек, Тошкент шаҳар ҳокимлиги ҳузуридаги фуқароларнинг ўзини ўзи бошқариш органлари ходимларининг малакасини ошириш ўқув курсларида “Ўзбекистон Республикаси Президенти Шавкат Мирзиёев томонидан илгари сурилган ижтимоий, маънавий-маърифий соҳалардаги ишларни янги тизим асосида йўлга қўйиш бўйича 5 та муҳим ташаббус ва уларнинг жамият ривожидаги ўрни” мавзусидага маърузаси билан иштирок этди.
Билим юрти мударрислари Ш.Хакимов, Ф.Боймуродов Тошкент тўқимачилик енгил саноати институти, Енгил саноати техналогияси ва дизайн факультети, Физика ва электротехника кафедраси 1-ТТЖда «Вақт қадри неъмати-талабалик олтин даврим» мавзусида давра суҳбати ўтказди.
Билим юрти мударриси Х.Бойхўрозов Тошкент давлат миллий рақс ва хореография олий мактабида ўтказилган тадбирда “Ўзбекистон Миллатлараро тотувлик ва бағрикенглик юрти” мавзусида нутқ сўзлади.
“Кўкалдош” ўрта махсус ислом билим юрти матбуот хизмати
