SIGN IN YOUR ACCOUNT TO HAVE ACCESS TO DIFFERENT FEATURES

FORGOT YOUR PASSWORD?

FORGOT YOUR DETAILS?

AAH, WAIT, I REMEMBER NOW!
KUKALDOSH.UZ
  • LOGIN

KUKALDOSH.UZ

  • Bosh sahifa
  • Madrasa
    • Madrasa tarixi
    • Rahbariyat
    • Yotoqxona
    • Axborot-resurs markazi
  • Yangiliklar
  • Maqolalar
    • Qurʼon ilmlari
    • Aqida
    • Fiqh
    • Tafsir
    • Hadis
    • Arab tili
    • Yurtimiz allomalari
    • Islom tarixi
    • Raddiyalar
    • Axloq va tarbiya
    • Bagʼrikenglik va jamiyat
    • Elektron kitoblar
  • Taʼlim
    • 4 yillik öquv dasturi
    • Ilm talab qilish odoblari
  • Kurslar
    • Qurʼoni Karim va tajvid kursi
    • Tayyorlov kursi
  • Qabul
    • Qabul tartibi
    • Kiriş imtihonlari 2027-2028
    • Ötiş ballari
    • Topşirganlar soni
    • Imtihon duolari
  • Boğlaniş
21.11.2018 / Bo‘limda Islom tarixi, Maqolalar, Yangiliklar

Расулуллоҳ соллаллоҳу алайҳи васаллам сирларини ишонган зот

 

Абдуллоҳ ибн Масъуд розияллоҳу анҳу ёшлик чоғларида Исломга кириб, Расулуллоҳ соллаллоҳу алайҳи васалламни доим лозим тутган саҳобалардандир. Расулуллоҳ соллаллоҳу алайҳи васаллам у кишига ҳоҳлаган пайт ҳузурларига киришга рухсат берган эдилар. Расулуллоҳ соллаллоҳу алайҳи васаллам у кишига сирларини ишониб айтар эдилар. Шу сабабдан ҳам у киши “соҳибу сирри Росулиллаҳ” (Расулуллоҳнинг сиридан бохабар киши) деб номланган эдилар.

У киши Расулуллоҳ соллаллоҳу алайҳи васалламнинг қўл остиларида катта бўлиб, Қуръон илмларини мукаммал ўргандилар. Фақиҳ саҳобалардан бўлиб етишдилар.

Сизга у киши ҳақида бўлиб ўтган ажойиб қиссани келтирсак:

Бир куни Умар розияллоҳу анҳунинг ҳузурларига бир киши келиб: “Эй мўминларнинг амири! Мен Куфадан келдим. У ерда бир киши Қуръонни ўзидан айтиб имло қилаяпти” деди. Шунда Умар розияллоҳу анҳу жуда қаттиқ ғазабландилар. Олдин ҳеч ҳам бунақа ғазаб қилмаган эдилар. “Ким экан у?” дедилар. Ҳалиги киши: “Абдуллоҳ ибн Масъуд” деди. Шунда Умар розияллоҳу анҳу аста-секин ўзларига келиб, “Эй Аллоҳ раҳм қилгур! Мен бу ўринга ундан муносиб одамни билмайман. Эшит! Сенга бу ҳақида айтиб бераман:

Бир куни Расулуллоҳ соллаллоҳу алайҳи васаллам, Абу Бакр розияллоҳу анҳу ва мен мусулмонларни иши бўйича кечаси юрган эдик. Масжидда бир киши тик туриб намоз ўқиётган эди. Биз уни таний олмадик. Расулуллоҳ соллаллоҳу алайҳи васаллам у кишини тинглаб туриб, сўнг бизга ўгирилдилар ва шундай дедилар: “Кимки Қуръонни айни нозил бўлганидек, хўшбўй ҳолатда ўқишни ҳоҳласа, Ибн Умму Абднинг (Абдуллоҳ ибн Масъуд розияллоҳу анҳунинг кунялари) қироатида ўқисин!”.

Сўнг, Абдуллоҳ ибн Масъуд ўтириб дуо қила бошлади. Шунда Расулуллоҳ соллаллоҳу алайҳи васаллам “Сўра! Ижобат бўлади… Сўра! Ижобат бўлади…” деб турдилар.

Шунда ўзимга ўзим айтдим: “Эртага Абдуллоҳнинг олдига бориб, Расулуллоҳнинг унинг дуосига омин деб турганларини хушхабарини етказаман” дедим. Эртаси куни унга хушхабарни етказсам, Абу Бакр розияллоҳу анҳу мендан олдин хушхабарни айтган эканлар. Аллоҳга қасамки, Абу Бакр билан бирор яхшиликда мусобақалашсам, у киши ҳар доим ўзиб кетар эдилар”.

Абдуллоҳ ибн Масъуд розияллоҳу анҳу айтадилар: “Ундан бошқа илоҳ йўқ бўлган зотга қасамки, Аллоҳнинг китобидан нозил бўлган оятларнинг қаерда нозил бўлгани, ким ҳақида нозил бўлгани, ҳаммасини биламан. Агар мендан билувчироқ одамни эшитсам, имкони бўлса унинг олдига (ўрганиш учун) борар эдим”.

Бу кишини ўзлари ҳақида айтган гаплари муболаға ёки мақтаниш эмас. Барча саҳобалар худди юқоридаги гапларни у кишига нисбатини берадилар.

Абдуллоҳ ибн Масъуд розияллоҳу анҳу Усмон розияллоҳу анҳунинг даврларигача яшадилар. Касал бўлиб ётиб қолганларида Усмон розияллоҳу анҳу у кишини зиёрат қилиб келдилар. Қуйида у кишининг тавозеъли ва тақводор зот эканликларини билиб оламиз.

Усмон розияллоҳу анҳу у кишига шундай дедилар:

– Шикоятингиз нима?

У киши:

– Гуноҳларим.

– Нима ҳоҳлайсиз?

– Роббимнинг раҳматини!

– Бир неча йил илгари олишни ҳоҳламаган нарсаларингизни беришликни буюрайинми?

– Менинг уларга эҳтиёжим йўқ.

– Сиздан кейин қизларингизга қолади.

– Қизларимни фақир бўлиб қолишларидан хавфсираяпсизми? Мен уларга ҳар куни кечаси Воқеа сурасини ўқишликни буйирганман. Чунки, мен Расулуллоҳ соллаллоҳу алайҳи васалламни шундай деб айтганларини эшитганман: “Кимки, Воқеа сурасини ҳар кеча ўқийдиган бўлса, унга ҳеч қачон фақирлик етмайди”.

Аллоҳ барча саҳобалардан, шу қатори бизлардан ҳам рози бўлсин!

 

Кўкалдош ўрта махсус ислом билим юрти

4-курс талабаси Абдуссамиъ Эргашев

What you can read next

Koʻkaldosh oʻrta maxsus islom taʼlim muassasasining taʼlim faoliyatining 2025–2026 oʻquv yilining I – yarim yillik natijalari
Islom – maʼrifat, tinchlik, ezgulik dini
Islom – maʼrifat, tinchlik, ezgulik dini
“Nazarbek” talabalar turar joyida XATMI QURʼON kechasi boʻlib oʻtdi
“Nazarbek” talabalar turar joyida XATMI QURʼON kechasi boʻlib oʻtdi

СЎНГИ МАҚОЛАЛАР

  • Mustaqillik — uluğ ne’mat

  • Kitoblar bilan muomala qiliş odoblari va ularni qölga kiritişga tarğib

  • ILM AMAL BILAN KAMOLGA YETADI

  • Ustoz va şogirdga umumiy bölgan odoblar

  • Kökaldoş madrasasida Xalqaro bağrikenglik kuniga bağışlangan “Zakovat” intellektual öyini taşkil etildi

ҚИДИРУВ ХИЗМАТИ

БЎЛИМЛАР

  • Bosh sahifa
  • Madrasa
  • Yangiliklar
  • Maqolalar
  • Taʼlim
  • Kurslar
  • Qabul
  • Boğlaniş

Тезкор ҳаволалар

  • Qabul tartibi
  • Kiriş imtihonlari 2027-2028
  • Ötiş ballari
  • Topşirganlar soni
  • Qurʼoni Karim va tajvid kursi
  • Tayyorlov kursi
  • 4 yillik öquv dasturi
  • Imtihon duolari

АЛОҚА

Тошкент 100208, Чилонзор тумани, Гулистон кўчаси, 37/1

+998 94 988 23 43

info@kukaldosh.uz

ХАРИТА

KökaldoşKökaldoş

Yandex xarita →Google xarita →

© 2018 - 2026. kukaldosh.uz | Ўзбекистон Мусулмонлари идораси "Кўкалдош" ўрта махсус ислом билим юрти.
Барча хуқуқлар химояланган. Сайтдан маълумот олинганда манба кўрсатилиши шарт.
АОКА интернет-ОАВ гувоҳномаси рақами: 1221

TOP