SIGN IN YOUR ACCOUNT TO HAVE ACCESS TO DIFFERENT FEATURES

FORGOT YOUR PASSWORD?

FORGOT YOUR DETAILS?

AAH, WAIT, I REMEMBER NOW!
KUKALDOSH.UZ
  • LOGIN

KUKALDOSH.UZ

  • Bosh sahifa
  • Madrasa
    • Madrasa tarixi
    • Rahbariyat
    • Yotoqxona
    • Axborot-resurs markazi
  • Yangiliklar
  • Maqolalar
    • Qurʼon ilmlari
    • Aqida
    • Fiqh
    • Tafsir
    • Hadis
    • Arab tili
    • Yurtimiz allomalari
    • Islom tarixi
    • Raddiyalar
    • Axloq va tarbiya
    • Bagʼrikenglik va jamiyat
    • Elektron kitoblar
  • Taʼlim
    • 4 yillik öquv dasturi
    • Ilm talab qilish odoblari
  • Kurslar
    • Qurʼoni Karim va tajvid kursi
    • Tayyorlov kursi
  • Qabul
    • Qabul tartibi
    • Kiriş imtihonlari 2027-2028
    • Ötiş ballari
    • Topşirganlar soni
    • Imtihon duolari
  • Boğlaniş
ХАЛҚИМИЗГА ХОС ФАЗИЛАТ
16.11.2019 / Bo‘limda Maqolalar

Халқимизга хос фазилат

Халқимизнинг ўзига ярашгулик фазилатлари жуда кўп. Бироқ унинг бағрикенглиги, тинчлик ва тотувликка бўлган иштиёқи бугунги осудаликка асос бўлаётган бўлса не ажаб. 

Ўтмишимизга назар солсак, асрлар давомида бу заминда турли миллат ва дин вакиллари яшаб келганига гувоҳ бўламиз. Айниқса, элимиз ҳамиша аҳил-иноқликда, бирдамликда, ёнма-ён яшаб, ўз қадриятлари, урф-одатлари, юз йиллар асносида шаклланган миллий ўзига хослиги билан бир-бирини бойитиб келган. Асрлар давомида йирик шаҳарларимизда масжид, черков ва синагогалар фаолият кўрсатиб, турли эътиқодга мансуб қавмлар ўз диний ибодатларини эмин-эркин адо этиб келганлар. Тарихимизнинг энг мураккаб, оғир даврларида ҳам улар ўртасида диний асосда можаролар бўлмагани халқимизнинг бағрикенглик борасида катта тажрибага эга эканлигидан далолат беради.

Ўзга халқлар тили, урф-одатлари ва анъаналарига чуқур ҳурмат, уларнинг ўзлигини сақлаб қолиш, маданий-маърифий эҳтиёжларини рўёбга чиқаришга имконият яратиш ва ҳар томонлама ёрдам кўрсатиш ўзбекона бағрикенгликнинг ўзига хос хусусиятларидандир. Айнан мана шундай бағрикенглик, сабр-бардошлилик бой тарихий маданиятимизни беназир ҳолда бизгача етиб келишини таъминлади. Қолаверса, асрлар синовидан келажакка олиб ўтиш, камол топтириш ҳамда ўзга маданиятларнинг эзгуликка ҳамоҳанг натижалари билан бойитишга шароит яратди. Ўз навбатида бундай қадриятлар халқимизга хос бўлган ахлоқ-одоб меъёрлари, маънавий фазилатларнинг ўзга халқлар томонидан қабул қилинишига йўл очгани ҳам ҳақиқатдир.

Юртимиз ҳудудида шаклланган мана шундай тарихий жараён бугун мустақил диёримизда ҳам Ватан равнақи, мамлакат тараққиёти, халқ фаровонлигининг омили сифатида қадр топган. Бугунги кунда мамлакатимизда 130 дан ортиқ миллат ва элат вакиллари ана шундай аҳил-иноқ, меҳру мурувват билан истиқомат қилмоқда.

Юртимизда қарор топган бу гўзал қадриятлар ҳар бир дин вакилларининг ўз ибодатларини эмин эркин адо этишлари, турли ихтилофлар юзага келмаслиги, адолатли турмуш тарзининг гаровидир.

Юртимиз алломалари томонидан қайд этилган пурмаъно битикларда диний бағрикенгликка оид кўплаб фикрларни топиш мумкин. Шу нуқтаи назардан қараганда, ўзга дин вакиллари билан ёнма-ён яшаб келган халқимизда диний бағрикенглик фақат зарурат келтириб чиқарган эҳтиёж эмас, балки ҳаёт тарзига сингиб кетган ўзига хос фазилат эканини кўришимиз мумкин.

Фитратнинг қуйидаги сўзлари фикримизни қувватлайди: “Одамлар қайси дин, қайси қавм, қайси миллатда бўлмасинлар, бир отанинг фарзандлари, бир жинснинг авлодлари, бошқача қилиб айтсак, бир‑бирларига биродардирлар. Шундай экан, бир‑бирларига шарт қўймай, муҳаббатли ва шафқатли бўлишлари керак. Яъни ўрталарида “умумий биродарлик”ни барпо этишлари керак”.

Бироқ юртимизда бошқа динни ҳурмат қилмайдиган ёки миллатчиликка йўл қўядиган кимсалар ҳам учраб туради. Баъзилар эса бошқа дин вакилларини очиқдан-очиқ менсимайдиган ҳолатлар ҳам кўзга ташланади. Бу билан у ўз ҳурматини ер билан яксон қилишдан бошқа нарсага эришмаслиги ҳаммага маълумдир. Адоватнинг оқибати яхшиликка олиб келмаслигини ёши улуғларимиз уқтириб келадилар. Бу борада Абдулла Авлоний шундай изоҳлаб ўтади: “Қайси бир миллатнинг орасида бирлик кўтарилуб, нифоқ ва адоват ҳукм сурган бўлса, ул қавмнинг инқироз дунёсига юзланганлиғи тарих саҳифаларидан маълумдир”.

Чиндан ҳам, бағрикенг, аҳил-иноқ бўлган халқда осудалик ҳукм суради, келажаги ҳам буюк бўлади. Динлараро тотувлик эса фаровонлик олиб келади. Аслида, дунёдаги динларнинг барчаси эзгулик ғояларига асосланади ва яхшилик, тинчлик, дўстлик каби хусусиятларга таянади.

Ўзбекистон Республикасининг Биринчи Президенти Ислом Каримов шундай таъкидлаб ўтган эдилар: “…башарият мураккаб тараққиёт жараёнини бошдан кечираётган бир пайтда диний бағрикенглик, турли динларга мансуб халқлар ўртасидаги мулоқот ва амалий ҳамкорликни кучайтириш ниҳоятда долзарб аҳамият касб этмоқда». Дарҳақиқат, ҳар бир инсон, жамоа ва миллатлар башариятнинг турли-туман маданиятлардан иборат эканини англаши ва ҳурмат қилиши жуда муҳимдир. Зеро, бағрикенгликсиз тинчлик, тинчликсиз эса тараққиёт бўлмайди.

“Кўкалдош” ўрта махсус ислом билим юрти

Ахунджанов Рустам

What you can read next

Farzand tarbiyasida ibrat kuchi: Soʻzdan koʻra amaliy oʻrnakning taʼsiri
QABUL BOSHLANISHIGA 1 KUN QOLDI
“Koʻkaldosh” oʻrta maxsus islom bilim yurtida xorijlik fuqarolar ham tahsil olish imkoniyatiga ega
Абдурроҳман Жомий ҳазратларининг араб тилига қўшган ҳиссаси
Абдурроҳман Жомий ҳазратларининг араб тилига қўшган ҳиссаси

СЎНГИ МАҚОЛАЛАР

  • Mustaqillik — uluğ ne’mat

  • Kitoblar bilan muomala qiliş odoblari va ularni qölga kiritişga tarğib

  • ILM AMAL BILAN KAMOLGA YETADI

  • Ustoz va şogirdga umumiy bölgan odoblar

  • Kökaldoş madrasasida Xalqaro bağrikenglik kuniga bağışlangan “Zakovat” intellektual öyini taşkil etildi

ҚИДИРУВ ХИЗМАТИ

БЎЛИМЛАР

  • Bosh sahifa
  • Madrasa
  • Yangiliklar
  • Maqolalar
  • Taʼlim
  • Kurslar
  • Qabul
  • Boğlaniş

Тезкор ҳаволалар

  • Qabul tartibi
  • Kiriş imtihonlari 2027-2028
  • Ötiş ballari
  • Topşirganlar soni
  • Qurʼoni Karim va tajvid kursi
  • Tayyorlov kursi
  • 4 yillik öquv dasturi
  • Imtihon duolari

АЛОҚА

Тошкент 100208, Чилонзор тумани, Гулистон кўчаси, 37/1

+998 94 988 23 43

info@kukaldosh.uz

ХАРИТА

KökaldoşKökaldoş

Yandex xarita →Google xarita →

© 2018 - 2026. kukaldosh.uz | Ўзбекистон Мусулмонлари идораси "Кўкалдош" ўрта махсус ислом билим юрти.
Барча хуқуқлар химояланган. Сайтдан маълумот олинганда манба кўрсатилиши шарт.
АОКА интернет-ОАВ гувоҳномаси рақами: 1221

TOP