Hikoyalarda aks etgan “qirq hadis”.
Farzandlarimiz uchun…
10-hadis
Xolid juda kuchli va baquvvat bola edi. U xotirjam holatda choʻzgan qoʻlini bukmasdan stullarni koʻtarish qobiliyatiga ega edi. Maktabda unga kurash borasida teng keladigani yoʻq edi. Hammadan ham koʻproq Nuriddin bilan urishar edi. Kunlardan bir kuni ular maktab hovlisida urishib qolishdi. Nuriddin yengildi. Magʻlub boʻlgan Nuriddin sinfga qaytib kirdi-da oʻch olish uchun Xolidning daftariga chizib tashladi. Bu narsa Xolidni juda gʻazablantirdi va Nuriddinni yoniga borib yuziga musht tushirdi. Nuriddinning burnidan otilib chiqqan qon uning kiyimlarini va sinfxona yerini qizartirib yubordi. Sinxonadagi barcha oʻquvchilar hayrat va taajubda edi. Shu chogʻda xonaga kirib kelgan muallim Xolidni qilgan ishidan xabardor boʻldi. Va unga tanbeh berish maqsadidida Rosululloh sollallohu alayhi va sallamning quyidagi hadislarini misol qilib keltirdi:
ليس الشديد بالصرعة إنما الشديد الذي يملك نفسه عند الغضب
“Kuchli inson raqibini magʻlub qilgan kishi emas, balki gʻazablanganda gʻazabini yenga olgan kishidir”.
Oxunjon AHMEDOV tarjimasi
«Koʻkaldosh» OʻMIBY mudarrisi




