Hikoyalarda aks etgan “qirq hadis”.
Farzandlarimiz uchun…
35-hadis
Hikmat aʼlochi bola edi. Ularninng maktabi uyidan anchagina uzoq boʻlib, har kuni avtobusda maktabga borib kelardi. Hikmatni xohishlari juda koʻp edi. Ayniqsa u avtomobil ishqibozi edi. Maktabga borib kelish asnosida koʻrgan barcha transport vositalarini kuzatar va ularning yangi turlari haqida doʻstlari bilan gaplashishni yaxshi koʻrardi. Hikmat otasida moshina yoʻqligidan juda xafa boʻlar ammo oʻzi zukko va farosatli bola boʻlgani uchun dardinini uydagilariga ayta olmasdi. Chunki otasi kichkina bir korxonada xizmatchi boʻlib ishlab olgan maoshi bilan toʻrt farzandini boqar edi. Albatta, uning otasiga avtomobil haqida gapirishidan foyda yoʻq, qolaversa, qiyinchilik bilan tirikchilik qilayotgan kishini ranjitish adolatdan emasdi.
Ularning mahallasida Ahmad ismli sinfdoshi boʻlid u har kuni maktabga piyoda ketar edi. Hikmat buning sababini hech tushuna olmasdi. Yomgʻirli kunlarning birida u bir necha doʻstlari bilan avtobus kutib turganida Ahmad tez yurib ularning oldidan oʻtib keta boshladi. Hikmat unga qarab: “Ahmad toʻxta, hozir avtobus keladi, birga ketamiz, xoʻl boʻlib ketasan” – dedi. Ahmad esa javoban: “Oʻzim tezda yetib olaman” – deb yoʻlida davom etdi. Hikmat bu voqeadan ancha vaqt taajublanib yurdi va kunlarning birida buni onasiga soʻzlab berdi. Onasi Ahmadlarning oilasini yaqindan bilgani uchun Hikmatga voqea sababini batafsil soʻzlab berdi. Maʼlum boʻlishicha, Ahmadning otasi bir necha yil oldin vafot etgan boʻlib, onasi yolgʻiz boshi bilan oʻzgalarni uylarini tozalab 6 farzandni boqar ekan. Shundan soʻng Ahmadning avtobusga chiqmasligining sababi bilindi. Hikmat buni eshitib juda xafa boʻldi va avtomobillari yoʻqligidan shikoyat qilgani uchun oʻzidan uyalib ketdi. Ular bilan bir shaharda yashab qorinlarini toʻydirish, bir kecha yotishga boshpana topish uchun sarson yurgan minglab kishilar borligini oʻyladi. Avtomobillari yoʻqligidan xafa boʻlib yurgan Hikmat Rosululloh sollallohu alayhi va sallamning quyidagi hadislarini bilganida ehtimol shukr qiluvchilardan boʻlgan boʻlar edi:
أنظروا إلي من أسفل منكم و لا تنظروا إلي من هو فوقكم
“Oʻzingizdan past darajadagilarga qarang, yuqoridagilarga emas” (Muslim, Zuhd 8)
Oxunjon AHMEDOV tarjimasi
«Koʻkaldosh» OʻMIBY mudarrisi






