“Milliy yuksalishning yangi Oʻzbekiston modeli” maxsus kursi doirasida «Koʻkaldosh oʻrta maxsus islom taʼlim muassasasi»da navbatdagi maʼruzalar tashkil etildi.



Birinchi maʼruza “Kasblarni rivojlantirish va yangi mehnat bozori arxitekturasini yaratish” mavzusiga bagʻishlandi.
Unda Oʻzbekiston Respublikasi Prezidenti huzuridagi Davlat siyosati va boshqaruvi akademiyasining Gumanitar va ijtimoiy fanlar maktabi professori, iqtisod fanlari doktori Pardayev Umidjon Uralovich mavzuni ilmiy asosda keng yoritib berdi.
Tadbirda taʼlim muassasasi oʻquv ishlari boʻyicha mudir oʻrinbosari — N. Djalolov va pedagog-oʻqituvchilar ishtirok etdi.



Maʼruzada global iqtisodiy transformatsiya sharoitida yangi mehnat bozori shakllanayotgani asoslab berildi. Yaqin besh yil ichida mavjud kasblarning qariyb 30 foizi avtomatlashtirilishi, 50 foizi boʻyicha esa yangi malaka va kompetensiyalar talab qilinishi haqidagi prognozlar tahlil qilindi.
Kasbga yoʻnaltirish tizimini maktab bosqichidan boshlab takomillashtirish, 9-sinf bitiruvchilarini fanlarni oʻzlashtirish darajasi va kasbiy qiziqishiga koʻra saralash mexanizmlari yoritildi.
Texnikumlarni kasbiy taʼlimning tayanch boʻgʻiniga aylantirish, ilgʻor kasbiy mahorat texnikumlari hamda “Kasblar shaharchasi” loyihasi orqali amaliy koʻnikmalarni kuchaytirish zarurati taʼkidlandi.


Dual taʼlim tizimini kengaytirish, ish beruvchilar bilan uzviy integratsiyani taʼminlash, texnikum oʻquvchilarini moddiy ragʻbatlantirish mexanizmlarini kuchaytirish masalalari muhokama qilindi. Oliy taʼlim va mehnat bozori oʻrtasida raqamli bogʻliqlikni shakllantirish, sogʻliqni saqlash hamda maxsus kasblar boʻyicha zamonaviy tayyorlash yoʻnalishlari ham keng yoritildi. Ikkinchi maʼruza “Ekologik muvozanatni taʼminlash, «yashil» energetika va suv resurslaridan oqilona foydalanish” mavzusiga bagʻishlandi.
Bu boʻyicha Oʻzbekiston Respublikasi Prezidenti huzuridagi Davlat siyosati va boshqaruvi akademiyasining Gumanitar va ijtimoiy fanlar maktabi dotsenti, iqtisod fanlari falsafa doktori (PhD) Bekchanov Davron Masharipovich mavzuni ilmiy asosda keng yoritib berdi.
Maʼruzada Ekologik muvozanat – ustuvor davlat siyosati ekanligi. Atrof-muhitni muhofaza qilish, sanoat ekologiyasi, “yashil” energetika va energiya transformatsiyasi kabi sohalar chuqur tahlil qilindi. Shahar ekologiyasi va transport siyosati shuningdek, elektromobillar importi va ekologik transport infratuzilmasini rivojlantirish batafsil yoritildi.
Suvni tejaydigan texnologiyalar qamrovi 2,6 million gektarga yetkazilishi, suv infratuzilmasini modernizatsiya qilish loyihasi orqali amaliy ishlarni kuchaytirish zarurati taʼkidlandi.
Mazkur maʼruzalar ishtirokchilarda zamonaviy kasbiy tafakkurni shakllantirish, mehnat bozori talablarini chuqur anglash va Yangi Oʻzbekiston taraqqiyot modelida inson kapitalining ustuvor oʻrnini tushunishga hamda eologik muvozanat – ustuvor davlat siyosati ekanligini his qilishga xizmat qiladi.©️ Abdurahmon Ismoilov
«Koʻkaldosh» OʻMIBY Oʻquv-uslubiy boʻlim uslubchisi






