Inson qadri, ajdodlar xotirasiga ehtirom va ezgu amallarni ulugʻlash xalqimizning azaliy maʼnaviy qadriyatlaridan hisoblanadi. Shu bois yurtimizda keng nishonlanadigan 9-may — “Xotira va qadrlash kuni” nafaqat oʻtganlarni yod etish, balki Vatan ozodligi, yurt tinchligi va xalq osoyishtaligi yoʻlida xizmat qilgan insonlarning hayot yoʻli va jasoratidan ibrat olish kuni sifatida ham yuksak ahamiyat kasb etadi. Xalqimizda “Qadr etgan qadr topadi”, degan hikmat bejiz aytilmagan. Zero, inson oʻzgalariga hurmat va ehtirom koʻrsatgani sari, oʻzi ham shunday yuksak munosabatga munosib boʻladi.


Xotira — muqaddas va aziz tuygʻu. Ayniqsa, el-yurt manfaati, Vatan ravnaqi va xalq farovonligi yoʻlida fidokorona xizmat qilgan insonlar nomi xalq qalbida abadiy saqlanadi. Ularning ezgu amallari va matonatli hayot yoʻli kelajak avlod uchun ibrat maktabi boʻlib xizmat qiladi.


Shu munosabat bilan “Koʻkaldosh” oʻrta maxsus islom bilim yurti 1-bosqich talabalari tomonidan Xotira maydoniga maʼnaviy-maʼrifiy tashrif tashkil etildi. Tashrif davomida talabalar yurt osoyishtaligi va Vatan ozodligi yoʻlida fidokorona xizmat qilgan insonlar xotirasiga ehtirom bajo keltirib, majmuadagi yodgorlik va ramziy obidalar bilan yaqindan tanishdilar. Shuningdek, tadbir jarayonida tarixiy xotirani asrash, ajdodlar jasoratidan ibrat olish hamda tinchlikning bebaho neʼmat ekani haqida mazmunli suhbatlar oʻtkazildi.
Abdulloh Abdusattoriy tarbiyachi- pedagog





