SIGN IN YOUR ACCOUNT TO HAVE ACCESS TO DIFFERENT FEATURES

FORGOT YOUR PASSWORD?

FORGOT YOUR DETAILS?

AAH, WAIT, I REMEMBER NOW!
KUKALDOSH.UZ
  • LOGIN

KUKALDOSH.UZ

  • Bosh sahifa
  • Madrasa
    • Madrasa tarixi
    • Rahbariyat
    • Yotoqxona
    • Axborot-resurs markazi
  • Yangiliklar
  • Maqolalar
    • Qurʼon ilmlari
    • Aqida
    • Fiqh
    • Tafsir
    • Hadis
    • Arab tili
    • Yurtimiz allomalari
    • Islom tarixi
    • Raddiyalar
    • Axloq va tarbiya
    • Bagʼrikenglik va jamiyat
    • Elektron kitoblar
  • Taʼlim
    • 4 yillik öquv dasturi
    • Ilm talab qilish odoblari
  • Kurslar
    • Qurʼoni Karim va tajvid kursi
    • Tayyorlov kursi
  • Qabul
    • Qabul tartibi
    • Kiriş imtihonlari 2027-2028
    • Ötiş ballari
    • Topşirganlar soni
    • Imtihon duolari
  • Boğlaniş
Пайғамбар алайҳиссаломнинг саховатлари (ИККИ ОЛАМ САРВАРИ)
07.06.2019 / Bo‘limda Islom tarixi, Maqolalar

Пайғамбар алайҳиссаломнинг зуҳдлари

«Зуҳд» сўзи аслида «оз нарса» деган маънони билдиради. Зуҳд рағбатнинг тескарисидир. У бир нарсани тарк қилиш, ундан юз ўгиришни англатади. Уламолар истилоҳида эса зуҳд дунё, мол-мулк, обрў ва мансабдан юз ўгиришни билдиради.[1]

Расулуллоҳ соллаллоҳу алайҳи васаллам инсонларнинг энг зоҳиди эдилар. У зотдаги фақирлик мажбурий эмас, балки ихтиёрий эканининг ўзи ҳам қанчалик зоҳид бўлганларига далолат қилади. Фатҳлар туфайли мол-дунё оқиб келаётган пайтда ҳам Пайғамбаримиз соллаллоҳу алайҳи васаллам камтарона яшашни афзал кўрдилар. Оддий бўйра устида ухлаганларида муборак ёнбошларида унинг изи қолар эди. «Остингизга юмшоқроқ нарса тўшасангиз бўлмайдими?» дейилганда: «Мен билан дунёнинг мисоли ёзнинг жазирама кунида сафарга чиққан йўловчи кабидир. Ўша мусофир дарахт остида мизғиб олади, дам олади, сўнг уни тарк этади», деб жавоб бердилар.

Қуйида Пайғамбар алайҳиссаломнинг зуҳд борасида барчага намуна бўлганларини тасвирлаб берувчи мисолларни зикр қиламиз.

1. Аллоҳ таоло у зот соллаллоҳу алайҳи васалламга Маккадаги Батҳо тоғини тиллага айлантириб беришни таклиф қилганда, «Йўқ. Роббим, мен бир кунимни ташна ўтказсам, бошқасида оч қоламан. Оч қолсам, Сенга ҳамд ва шукр айтаман. Чанқасам, Сенга тазарру ила дуо қиламан», деб жавоб берганлар.

2. Расулуллоҳ соллаллоҳу алайҳи васаллам озгина егуликка ҳам қаноат қилардилар, «Аллоҳим, оли Муҳаммаднинг ризқини бир кунлик емак қил», дер эдилар.

3. Оиша розияллоҳу анҳодан ривоят қилинади: «Расулуллоҳ ҳеч қачон нонуштадаги таомни кечки пайт, кечки пайтдаги таомни нонуштада кўтариб юрмаганлар (яъни емаганлар). Шунингдек, нарсаларни иккитадан қилмаганлар: у икки кўйлак ёки икки ридо, ёки икки изор, ёхуд икки жуфтдан иборат оёқ кийими бўлсин, барибир».

4. «У зот ўзлари учун ҳеч нарсани сақлаб қўймаганлар. Бирор нарса келганда сақлаб қўйган бўлсалар ҳам, оилалари учун сақлаганлар. У зот аҳллари билан умрларининг охиригача кетма-кет уч кун буғдой нонини еган пайтлари бўлмаган. У зот шу ҳолда бу дунёни тарк этганлар».[2]

5. Пайғамбар бўлганларидан то вафотларига қадар эланган ундан ёпилган нон емаганлар.

6. Бир-икки ой ўтиб кетса ҳамки, у зотнинг ўчоқларида олов ёқилмасди, егуликлари фақат хурмо билан сув бўларди. Бир куни Фотима розияллоҳу анҳо бир бўлак нон олиб келган эди, Расулуллоҳ соллаллоҳу алайҳи васаллам: «Бу нима?» деб сўрадилар. Фотима онамиз: «Нон ёпган эдим. Сизга олиб келмай туриб, ейишга кўнглим бўлмади», дедилар. Шунда Расулуллоҳ соллаллоҳу алайҳи васаллам: «Бу уч кундан бери отангизнинг оғзига кирган илк таом бўлади», дедилар.

7. Расулуллоҳ соллаллоҳу алайҳи васаллам вафот этишлари арафасида бир яҳудийга совутларини гаровга қўйиб, оилаларига бериш учун ўттиз соъ[3] арпа олган эдилар.

8. Оиша розияллоҳу анҳодан ривоят қилинади: «Расулуллоҳ соллаллоҳу алайҳи васаллам бирор кун қоринлари тўйиб таом емаганлар. У зот шу ҳолда бу дунёдан ўтганлар. Хурмога тўйсалар, арпага тўймасдилар. Арпага тўйсалар, хурмога тўймасдилар».

9. Утба ибн Ғазвон розияллоҳу анҳудан ривоят қилинади: «Ёдимда, мен Расулуллоҳ соллаллоҳу алайҳи васаллам билан ҳамроҳ бўлган етти кишининг бири бўлган эдим. Бизда фақатгина самур дарахтининг барги бор эди. (Уни еяверганимиздан) оғизларимизга яра тошиб кетган эди».

10. Оиша розияллоҳу анҳодан ривоят қилинади: «Расулуллоҳ соллаллоҳу алайҳи васаллам бир кунда икки марта нон ва ёғ емаган, қоринлари тўймаган ҳолда вафот этдилар».

11. Анас розияллоҳу анҳудан ривоят қилинади: «Расулуллоҳ соллаллоҳу алайҳи васаллам Робблари ҳузурига кетгунларича юмшоқ нонни ҳам, самитни[4] ҳам кўзлари билан кўрганларини билмайман».

Пайғамбар алайҳиссаломнинг шундай шароитда ҳам бир оғиз нолимасдан, рози бўлиб яшаганлари ҳозирги кундаги ҳою ҳавас уммонида сузиб юрган биз умматларга ўрнакдир.


[1] Шайх Муҳаммад Содиқ Муҳаммад Юсуф. Руҳий тарбия II. – Б. 55.

[2] Имом Аҳмад ва имом Муслим ривояти.

[3] Ўлчов бирлиги. 1 соъ – 2,176 килограммга тенг.

[4] Самит – жуни иссиқ сув билан шилиб олиниб, териси билан қовурилган қўй гўштидир. dlocked0

What you can read next

RASULULLOHGA MUHABBAT
Rasulullohga muhabbat
Устоз
Устоз
ПАЙҒАМБАР АЛАЙҲИССАЛОМНИНГ ДАЪВАТ УСЛУБЛАРИДАГИ ҲИКМАТЛАР “Муҳаммад соллаллоҳу алайҳи васаллам – икки олам сарвари”
Ёш болаларга, етим-есирларга, бевалар, беморлар ва заифҳолларга нисбатан раҳм-шафқатлари

СЎНГИ МАҚОЛАЛАР

  • Mustaqillik — uluğ ne’mat

  • Kitoblar bilan muomala qiliş odoblari va ularni qölga kiritişga tarğib

  • ILM AMAL BILAN KAMOLGA YETADI

  • Ustoz va şogirdga umumiy bölgan odoblar

  • Kökaldoş madrasasida Xalqaro bağrikenglik kuniga bağışlangan “Zakovat” intellektual öyini taşkil etildi

ҚИДИРУВ ХИЗМАТИ

БЎЛИМЛАР

  • Bosh sahifa
  • Madrasa
  • Yangiliklar
  • Maqolalar
  • Taʼlim
  • Kurslar
  • Qabul
  • Boğlaniş

Тезкор ҳаволалар

  • Qabul tartibi
  • Kiriş imtihonlari 2027-2028
  • Ötiş ballari
  • Topşirganlar soni
  • Qurʼoni Karim va tajvid kursi
  • Tayyorlov kursi
  • 4 yillik öquv dasturi
  • Imtihon duolari

АЛОҚА

Тошкент 100208, Чилонзор тумани, Гулистон кўчаси, 37/1

+998 94 988 23 43

info@kukaldosh.uz

ХАРИТА

KökaldoşKökaldoş

Yandex xarita →Google xarita →

© 2018 - 2026. kukaldosh.uz | Ўзбекистон Мусулмонлари идораси "Кўкалдош" ўрта махсус ислом билим юрти.
Барча хуқуқлар химояланган. Сайтдан маълумот олинганда манба кўрсатилиши шарт.
АОКА интернет-ОАВ гувоҳномаси рақами: 1221

TOP