“Кўкалдош” ўрта махсус ислом билим юртига Наманган вилоятидаги “Ҳидоя” диний таълим муассасаси мудири Бобомирзаев Абдулазиз ташриф буюрди. Ташриф чоғида ҳар иккала таълим муассасаси раҳбарияти шунингдек, “Кўкалдош” диний таълим муассасаси мударрислари иштирокида таълим савиясини янги босқичга кўтариш, талабаларнинг бўш вақтини мазмунли ташкил этиш мақсадида ихтисослик фанлари бўйича фан тўгараклари фаолиятини ривожлантириш масаласи юзасидан давра суҳбати ўтказилди.
Суҳбат чоғида аждодлармиз қолдирган бой илмий меросини ўрганишга талабаларни қизиқтириш ҳақида сўз юритилди. Икки таълим муассаси ўртасида, ўқув услубий ҳамда ахборот ресурслар марказини зарурий дарслик ва ўқув қўлланмалари билан таъминлаш борасида ҳамкорлик қилишга келишиб олинди.
Суҳбатдан сўнг меҳмон таълим муассасасида олиб борилаётган дарс жараёни билан таништирилди. А.Бобомирзаев талабаларга илм олиш фазилати тўғрисида насиҳат қилиб дуои хайрлар қилди.
А.Бобомирзаев “Кўкалдош” диний таълим муассасасидаги олиб борилаётган ишларга юқори баҳо берди.
“Кўкалдош” ўрта махсус ислом билим юрти матбуот хизмати
