4-noyabr kuni “Koʻkaldosh” oʻrta maxsus islom taʼlim muassasasida “Qurʼoni karim va tajvid” oʻquv kursining navbatdagi bosqich mashgʻulotlarini boshlash arafasidagi tinglovchilar uchun davra suhbati tashkil etildi.






“Yoshlar bilan ishlash, maʼnaviyat va maʼrifat boʻlimi” boshligʻi Abdulvosi Gʻaniyev, “Oʻquv uslubiy boʻlimi” boshligʻi Farxod Asatullayev, “Qurʼon karim va tajvid” oʻquv kursi ustozlari B.Balbekov, X.Boyxoʻrozov va A.Isaqovlar qatnashdilar. Davra suhbatida “Yoshlar bilan ishlash, maʼnaviyat va maʼrifat boʻlimi” boshligʻi Abdulvosi Gʻaniyev, “Allohning kalomiga muhabbat va Qurʼoni karim fazilati” mavzusida maʼruza qilib, Allohning kalomini oʻqiguvchiga beriladigan ajrlar, Qurʼonga muhabbatli kishi qanday odoblarga ega boʻlishi lozimligi haqida zarur maʼlumotlarni berib, undan keyin oʻz maʼruzasi davomida noqonuniy diniy taʼlim olish va berishning qonun tomonidan taqiqlanganligi va qanday oqibatlarga olib kelishi, bugungi kunda Oʻzbekistonda davlat va din munosabatlari, diniy islohotlarning jadal suratlarda rivojlanayotgani va boshqa masalalarga alohida toʻxtalib oʻtdi. Undan tashqari “Oʻquv uslubiy boʻlimi” boshligʻi Farxod Asatullayev tinglovchilarining tartib-intizomga rioya qilishlari, oʻz vaqtida darsga kelishlari, belgilangan darslarga muntazam ishtirok etishlari va boshqa intizomga oid soʻzlarni aytib oʻtdi. Oʻz navbatida tinglovchilardan ham kerakli takliflar hamda fikr-mulohazalar tinglandi va ularni bilim yurti rahbariyati eʼtiborga olishi aytib oʻtildi.
N. Sharipov
«Koʻkaldosh» OʻMITM «Qurʼoni karim va tajvid» oʻquv kursi uslubchisi





