SIGN IN YOUR ACCOUNT TO HAVE ACCESS TO DIFFERENT FEATURES

FORGOT YOUR PASSWORD?

FORGOT YOUR DETAILS?

AAH, WAIT, I REMEMBER NOW!
KUKALDOSH.UZ
  • LOGIN

KUKALDOSH.UZ

  • Bosh sahifa
  • Madrasa
    • Madrasa tarixi
    • Rahbariyat
    • Yotoqxona
    • Axborot-resurs markazi
  • Yangiliklar
  • Maqolalar
    • Qurʼon ilmlari
    • Aqida
    • Fiqh
    • Tafsir
    • Hadis
    • Arab tili
    • Yurtimiz allomalari
    • Islom tarixi
    • Raddiyalar
    • Axloq va tarbiya
    • Bagʼrikenglik va jamiyat
    • Elektron kitoblar
  • Taʼlim
    • 4 yillik öquv dasturi
    • Ilm talab qilish odoblari
  • Kurslar
    • Qurʼoni Karim va tajvid kursi
    • Tayyorlov kursi
  • Qabul
    • Qabul tartibi
    • Kiriş imtihonlari 2027-2028
    • Ötiş ballari
    • Topşirganlar soni
    • Imtihon duolari
  • Boğlaniş
Истиқлол ва Рамазон
02.05.2019 / Bo‘limda Fiqh, Maqolalar, Yangiliklar

Истиқлол ва Рамазон

Бундан 60 йиллар муқаддам… Халқимизнинг бошидан оғир синовлар ўтаётган кунлар. Рамазон келганида одамлар бир-бирларини табриклар, яширинча рўза тутиб, ҳеч кимга билдирмай ибодатларини адо этар эдилар. Чироқ ёқмай саҳарлик қилиб, баъзан ўзини рўза эмас деб тушунтиришга мажбур бўлар эдилар. Айниқса, давлат идораларида ишлайдиган рўзадорлар яна-да кўпроқ синовга мубтало эдилар. Ҳаттоки, рўзадор дея “гумон” қилинаётган кишига сув ичирилиб, рўзани очишга мажбурланар эди. Мажлисларда “динни ортиқча сарқит” деб одамлар миясига уқтиришга ҳаракат қилинар, ўша пайтда саноқли ҳисобланган “Қизил Ўзбекистон”, “Туркистон” каби газеталарда рўза ҳақида турли номаъқул фикрлар ёзилар эди.

Йиллар ўтди, машаққат ҳам, тазйиқ ҳам ўтиб кетди. Бобою момоларимиз ўша кунларни кўзда ёш билан эслаб турадилар. Баъзан ношукрчилик қилган ёки қимматли вақтларини бекорчиликка сарфлаётган набираларига панд насиҳат қила туриб, яқин ўтмишнинг суронли йиллари ҳақида сўзлаб берадилар. Уларнинг ҳикояларини эшита туриб, бугунги яратилаётган шароитлар учун қалбимизда шукрона туйғулар ортиб боради.

1991 йил эзилган халқ юрагида буюк Қуёш порлади. Мустақиллик дея аталган бу шамс ҳар бир соҳада, ижтимоий ва диний йўналишларда ҳам ўз нурларини аямай сочди. Мустақиллик йилларида халқимизнинг муқаддас дини исломга муносабат ўзгарди, асрлар оша элимизнинг онгу шуурига, қалбига сингган бебаҳо диний қадриятлар қайта қарор топиб, ёруғликка юз тутди. Виждон эркинлигининг таъминланиши, ибодатларнинг эмин-эркин адо этилиши юртимизда инсон қадри ва эътиқоди нақадар олий қимматга эга эканлигини яна бир бор исботлади.

Ҳар йилги анъанага мувофиқ, 2019 йил 1 май куни халқимиз учун меҳр-шафқат, саховат ва мурувват, қаноат ва шукроналик рамзи бўлган муборак Рамазон ойининг маънавий-руҳий ҳаётимиздаги алоҳида ўрни ва аҳамиятини эътиборга олган ҳолда, жамиятимизда меҳр-оқибат, ўзаро ҳурмат ва ҳамжиҳатлик муҳитини янада мустаҳкамлаш, эл-юртимизга хос бўлган эзгу фазилатларни, миллий-диний қадриятларимизни асраб-авайлаш ва улуғлаш мақсадида Ўзбекистон Республикаси Президенти томонидан қабул қилинган Қарорда Рамазон ойини жойларда миллий анъана ва урф-одатларимизга мос равишда ўтказиш билан боғлиқ аниқ чора-тадбирлар белгилаб қўйилди.

Мазкур қарорнинг самараси ўлароқ, муқаддас Рамазон ойининг моҳиятида мужассам бўлган инсонийлик, яхшилик, маънавий поклик фазилатларини эъзозлаш, юртимизда дину диёнатимизни тиклаш, виждон эркинлигини таъминлаш, азиз-авлиёларимиз, буюк алломаларимизнинг бой илмий меросини чуқур ўрганиш, уларнинг муқаддас қадамжоларини обод қилиш борасидаги кенг кўламли ишларни тарғиб этиш, азал-азалдан ушбу муборак ойда амалга ошириб келинадиган ёрдам ва кўмакка муҳтож инсонларни ҳар томонлама қўллаб-қувватлаш, зиёратгоҳларни ободонлаштириш бўйича олиб бориладиган ишларни янада кучайтиришга алоҳида эътибор қаратилди.

“Кеча ким эдигу бугун ким бўлдик?”… биргина Рамазон ойи, рўза ибодатига бўлган муносабат орқали бу саволга жавоб беришга ҳаракат қилдик. Ҳа, бугун юртдошларимиз беҳисоб шароитлар туфайли ўз ибодатларини эркин адо этмоқдалар. Обод масжидларимиз мусулмонлар ихтиёрида, Рамазон ойи юртимизда муносиб ўтказилмоқда, минглаб мўминларимиз Ҳаж ва Умра ибодатларини энг юқори шароитлар билан бажариб келмоқдалар, Рамазон ва Қурбон ҳайитлари кенг миқёсда, байрамона кайфиятда ўтмоқда, ҳар бир инсон миллий ва диний анъанаю қадриятларини тўкис англаб етган, муҳими бу юртда инсон номи улуғ, эътиқоди эҳтиромда…

Қуръони каримнинг Иброҳим сураси, 7-оятида «Қасамки, агар (берган неъматларимга) шукр қилсангиз, албатта, (уларни янада) зиёда қилурман», дея марҳамат қилинади. Ушбу муборак кунлар учун минг бор шукроналар айтамиз.

“Кўкалдош” ўрта махсус ислом билим юрти мудир ўринбосари А.Ғаниев

What you can read next

Суннатнинг тарқалишида элчилик алоқаларининг аҳамияти
Суннатнинг тарқалишида элчилик алоқаларининг аҳамияти
Qoʻshnichilik odobi: Yon-atrofdagilar bilan totuv yashash sanʼati
Ўзбекистонда давлат ва дин муносабатлари
Ўзбекистонда давлат ва дин муносабатлари

СЎНГИ МАҚОЛАЛАР

  • Mustaqillik — uluğ ne’mat

  • Kitoblar bilan muomala qiliş odoblari va ularni qölga kiritişga tarğib

  • ILM AMAL BILAN KAMOLGA YETADI

  • Ustoz va şogirdga umumiy bölgan odoblar

  • Kökaldoş madrasasida Xalqaro bağrikenglik kuniga bağışlangan “Zakovat” intellektual öyini taşkil etildi

ҚИДИРУВ ХИЗМАТИ

БЎЛИМЛАР

  • Bosh sahifa
  • Madrasa
  • Yangiliklar
  • Maqolalar
  • Taʼlim
  • Kurslar
  • Qabul
  • Boğlaniş

Тезкор ҳаволалар

  • Qabul tartibi
  • Kiriş imtihonlari 2027-2028
  • Ötiş ballari
  • Topşirganlar soni
  • Qurʼoni Karim va tajvid kursi
  • Tayyorlov kursi
  • 4 yillik öquv dasturi
  • Imtihon duolari

АЛОҚА

Тошкент 100208, Чилонзор тумани, Гулистон кўчаси, 37/1

+998 94 988 23 43

info@kukaldosh.uz

ХАРИТА

KökaldoşKökaldoş

Yandex xarita →Google xarita →

© 2018 - 2026. kukaldosh.uz | Ўзбекистон Мусулмонлари идораси "Кўкалдош" ўрта махсус ислом билим юрти.
Барча хуқуқлар химояланган. Сайтдан маълумот олинганда манба кўрсатилиши шарт.
АОКА интернет-ОАВ гувоҳномаси рақами: 1221

TOP