Bugun, 2-aprel kuni «Koʻkaldosh» oʻrta maxsus islom bilim yurtida «Qurʼoni karim va tajvid» oʻquv kursining navbatdagi 67-davra mashgʻulotlari yakunlandi.
Yigʻilishda bilim yurti mudir oʻrinbosari N.Djalolov, Qurʼoni karim va tajvid kursi oʻqituvchilari L.Jamalov, B.Bolbekov hamda M.Jalolxonovlar ishtirok etishdi.



Yigʻilishda bilim yurti mudir oʻrinbosari Djalolov Nodir domla bitiruvchilarni mazkur kursni tugatganliklari bilan muborakbod etib, Qurʼoni karim tilovat qiluvchi va hofizi Kalomullohlarning fazilatlari, ularning Alloh taolo huzurudagi va barcha maxluqotlarning orasidagi darajalari haqida bayon qilib berdi hamda «Qurʼoni karim va tajvid» oʻquv kursini bitiruvchilariga berilgan sertifikat diniy taʼlim berishga hech qanday qonuniy asosga ega emasligini taʼkidlab oʻtdi va ularga kelgusi faoliyatlarida omad tilab oʻz soʻzini tugatdi.






Mazkur bosqich tinglovchilariga bilim yurti tomonidan «Qurʼoni karim va tajvid» oʻquv kursini yakunlanganini tasdiqlovchi sertifikatlar hamda sovgʻa sifatida Qurʼoni karim musʼhafi topshirildi.
Mazkur yigʻilishda boʻlgan ustozlar bitiruvchilarga omad tilab ularning haqqilariga duoi xayrlar qildilar.
Oʻquv kurslari boʻlimi xodimi
J.Ismatov






