Bugungi kunimizda Islom ummatining ichiga fitna urugʻini sepayotgan baʼzi kimsalarning daʼvo qilishicha, «Fiqhul Akbar» kitobi Imom Abu Hanifaga mansub ýmas ýkan. Keling, ularning bu daʼvolariga qarshi baʼzi dalillarni koʻrib chiqaylik. Humom Abdulqohir Al-Baʼdodiy oʻzining «Usulud-din» kitobining 308-betida quyidagilarni aytadi: «Faqihlar va mazhab arboblaridan boʻlgan mutakallim (aqoid ilmi bilan shugʻullanuvchilar) ning ýng avvali Abu Hanifa va Shofeiy edi. Abu Hanifa qadariyya firqasiga raddiya berishda bir kitob yozib, uni «Fiqhul akbar» deb nomladi. Imom Abulmuzaffar Al-Isfiroyiniy «Tabsir fiddin» kitobida quyidagilarni aytadi: «Olim va mutaaʼllim» kitobi Abu Hanifaga tegishli. Bu kitobda Allohni yoʻq deguvchi va bidaʼtchilarni magʻlub qiladigan hujjatlar bor. Biz «Fiqhul Akbar» kitobini ishonchli kishilardan, moʻtamad yoʻlga koʻra va sahih isnod bilan Nasr ibn Yahyo Abu Hanifadan rivoyat qilganini rivoyat qildik. Xuddi shuningdek «At tabsir» kitobining 113-betida ham shunday deyilgan. Oʻtgan dalillardan bilinadiki, «Fiqhul Akbar» kitobi Imom Abu Hanifaga tegishli. Ulamolarimizning izlanishlari natijasida shu bilindiki, Imom Abu Hanifaning shogirdlari boʻlmish Hammod, Abu Yusuf, Abu Muti Hakam ibn Abdulloh Al Balxiy va Abu Muqotil Hafs ibn Muslim As-Samarqandiy kabi shogirdlariga yozdirgan yozuvlar bilan «Fiqhul Akbar» kitobining yozuvlari bir xildir. Bunday dalillar moʼtabar kitoblarimizda juda koʻp uchraydi, biz shunchaki baʼzilarini keltirdik. Alloh taolo Oʻzining merosxoʻrlaridan boʻlgan bunday ulugʻ imomlarimizning shaʼniga dogʻ tushirishdan oʻzi asrasin.
“KOʻKALDOSH” oʻrta maxsus islom bilim yurtining 4-kurs talabasi Yigitaliyev Shohabbos






