SIGN IN YOUR ACCOUNT TO HAVE ACCESS TO DIFFERENT FEATURES

FORGOT YOUR PASSWORD?

FORGOT YOUR DETAILS?

AAH, WAIT, I REMEMBER NOW!
KUKALDOSH.UZ
  • LOGIN

KUKALDOSH.UZ

  • Bosh sahifa
  • Madrasa
    • Madrasa tarixi
    • Rahbariyat
    • Yotoqxona
    • Axborot-resurs markazi
  • Yangiliklar
  • Maqolalar
    • Qurʼon ilmlari
    • Aqida
    • Fiqh
    • Tafsir
    • Hadis
    • Arab tili
    • Yurtimiz allomalari
    • Islom tarixi
    • Raddiyalar
    • Axloq va tarbiya
    • Bagʼrikenglik va jamiyat
    • Elektron kitoblar
  • Taʼlim
    • 4 yillik öquv dasturi
    • Ilm talab qilish odoblari
  • Kurslar
    • Qurʼoni Karim va tajvid kursi
    • Tayyorlov kursi
  • Qabul
    • Qabul tartibi
    • Kiriş imtihonlari 2027-2028
    • Ötiş ballari
    • Topşirganlar soni
    • Imtihon duolari
  • Boğlaniş
Ҳикояларда акс этган 40 оят: Ёмон гумон
14.08.2021 / Bo‘limda Maqolalar, Qurʼon ilmlari

Ҳикояларда акс этган 40 оят: 9-оят Яхшиликнинг мукофоти

Диёрбек катта бўлганида моҳир рассом бўлишни жуда хоҳлайди. Беш ёшлигида қўлларидан тутиб болалар уйига ташлаб кетган онасини сиймосини чиза олиш учун. Онасини чап юзида донадек холи бор эди.  Болаларча чизган расмларининг барчасида чап юзида донадек холи бор муштипар аёлни тасвирлайди.  Ўшанда онасига саволлари жуда кўп эди. Аммо қалбидаги нидоларини тилига чиқара олмаган. Онасини эзилиб – эзилиб йиғлашлари дилидагини тилига чиқаришига йўл қўймаган. Зотан, беш ёшли болакай нима ҳам дея оларди, кетманг, катта бўлсам сизни ўзим даволатаман тузалиб кетасиз, деганди ўшанда. Аммо бедаво дард бу гўдакни катта бўлишини кутиб турмаслигини тушунмас эди. Болалар уйига келишидан бир йил олдин отаси хорижга ишлашга кетган. Аммо ундан шу муддат давомида бирорта хат хабар келмаган эди…

Диёрбекни орадан кўп ўтмасдан бир оила келиб олиб кетди. Дарвоқе, янги хонадондаги инсонлар фарзандга муҳтож кишиларга ўхшамас эди. Уларнинг уйида болалар кўп экан. Диёрбекни савоб умидида асраб олишган шекилли. Диёрбекдан катта икки акаси ва уч ёшли Эъзоза исмли синглиси бор эди. У болалар билан тезда тил топишиб кетди. Бу хонадондагилар жуда маънили кишилар эди. Диёрбек ҳожи ота деб чақирадиган оила бошлиғи болаларга сира қаттиқ гапирмас, уларни мулойимлик билан тарбия қилар эди. Ҳар куни болаларни жамлаб ўзи ёзиш ва ўқишни ўргатар, мазмунли ҳикоялар, оят-ҳадислар билан уларни яхшилик қилишга чақирарди. Айниқса, Ар-Роҳман сурасидаги Жаннат васфларини баён қилиб 60-оятдаги ушбу калималарни қайта-қайта ўқир эди:

هَلْ جَزَاءُ الْإِحْسَانِ إِلَّا الْإِحْسَانُ

Эҳсон (эзгулик)нинг мукофоти фақат эҳсон (эзгулик)дир.[1]

Бир куни Ҳожибека (Диёрбек хонадон соҳибасини шундай атарди) болаларни саёҳатга олиб чиқди. Улар тоза ҳавода болалар ўйингоҳида мириқиб ўйнар эдилар. Шу пайт Ҳожибека қаттиқ қичқириб юборди, қарасаларки уч ёшли Эъзоза юмалаб кетган коптогининг ортидан катта йўлга югуриб борар, у томондан эса шиддат билан юк автомобили келмоқда эди. Диёрбек ўқдек учиб ўзини катта йўл томонга урди, Эъзозани йўлнинг четига итариб юборди кетидан ўзини ҳам четга урди. Ўйингоҳдаги одамлар ва болалар нима бўлганини кейин фаҳмладилар. Эъзоза енгил жароҳатланибди. Диёрбекнинг чап оёғи бироз жиддийроқ жароҳат олибди. Ҳожи отаси уни шифокорга олиб бориб жароҳатига дори дармон қилдирди. Шу кеч бу хонадонда барча эътиборлар, ширин сўзлар Диёрбекка қаратилган эди. Айниқса Ҳожи отаси яккаю-ягона қизининг ҳаётини сақлаб қолган бу йигитни асраб олган кунига минглаб шукроналар айтар, Ар-Роҳман сурасининг 60-оятини қайта-қайта такрорлар эди.

Эртаси куни Ҳожи ота Диёрбекни мошинасига ўтқизиб бир жойга олиб борди. У ер касалхонага ўхшар эди. Диёрбекни қўлидан етаклаб хоналардан бирига олиб кирди. Бу ерда бир оқ ҳалатли шифокор кароватда ётган аёлга қараб: – Энди туриб юрсангиз ҳам бўлаверади. Анча аҳволингиз яхши. Шифокорларнинг саъй-ҳаракатлари ва кучли муолажалар энг муҳими Аллоҳнинг мўжизаси билан дардингиздан фориғ бўлдингиз демоқда эди.  Диёрбек ўринда ётган аёлнинг чап юзидаги донадек холини кўрдию “Онажоним” деб йиғлаганича ўзини онасининг бағрига отди…

Ҳожи ота Диёрбекни асраб олган куни учун Аллоҳ таолога беҳисоб ҳамду санолар айтарди. Ўша ёмғирли кунни эслади. Бир муштипар аёл фарзандини қўлидан тутиб болалар уйига ташлаб кетаётганини кўриб қолганди. Аёлни тўхтатиб танбеҳ бермоқчи бўлганида барча ҳақиқат ойдинлашди. Бу аёл бедаво дардга чалинган экан. Ҳеч кими йўқ, турмуш ўртоғи эса хорижга ишлагани кетиб ҳамон хат-хабар йўлламабди. Ўшанда Ҳожи ота аёлни шифокори билан гаплашиб уни Ҳиндистонга муолажа учун жўнатган, Диёрбекни эса онаси тузалгунича ўз уйида қараб туриш учун болалар уйидан олган эди. Икки кун олдин аёлни Ҳиндистондан олиб келишди. Дардидан фориғ бўлибди.  Аслида бугун Диёрбекни онасига топширмоқчи эди. Кеча Эъзоза билан боғлиқ воқеалар бўлиб ўтди.  Зеро яхшиликнинг мукофоти фақат яхшилик эмасми?!

Охунжон Аҳмад ва Муаттар Абдулқаюм
(Давоми бор)


[1] Шайх Абдулазиз Мансур Қуръони Карим маъноларининг таржима ва тафсири.

What you can read next

Саҳобаларни таниш
Саҳобаларни таниш
Эшон Бобохон ибн Абдулмажидхон (1858-1957)
Эшон Бобохон ибн Абдулмажидхон (1858-1957)
Расулуллоҳ соллаллоҳу алайҳи ва саллам душанба ва пайшанба кунлари рўза тутганлар.
Расулуллоҳ соллаллоҳу алайҳи ва саллам душанба ва пайшанба кунлари рўза тутганлар.

СЎНГИ МАҚОЛАЛАР

  • Mustaqillik — uluğ ne’mat

  • Kitoblar bilan muomala qiliş odoblari va ularni qölga kiritişga tarğib

  • ILM AMAL BILAN KAMOLGA YETADI

  • Ustoz va şogirdga umumiy bölgan odoblar

  • Kökaldoş madrasasida Xalqaro bağrikenglik kuniga bağışlangan “Zakovat” intellektual öyini taşkil etildi

ҚИДИРУВ ХИЗМАТИ

БЎЛИМЛАР

  • Bosh sahifa
  • Madrasa
  • Yangiliklar
  • Maqolalar
  • Taʼlim
  • Kurslar
  • Qabul
  • Boğlaniş

Тезкор ҳаволалар

  • Qabul tartibi
  • Kiriş imtihonlari 2027-2028
  • Ötiş ballari
  • Topşirganlar soni
  • Qurʼoni Karim va tajvid kursi
  • Tayyorlov kursi
  • 4 yillik öquv dasturi
  • Imtihon duolari

АЛОҚА

Тошкент 100208, Чилонзор тумани, Гулистон кўчаси, 37/1

+998 94 988 23 43

info@kukaldosh.uz

ХАРИТА

KökaldoşKökaldoş

Yandex xarita →Google xarita →

© 2018 - 2026. kukaldosh.uz | Ўзбекистон Мусулмонлари идораси "Кўкалдош" ўрта махсус ислом билим юрти.
Барча хуқуқлар химояланган. Сайтдан маълумот олинганда манба кўрсатилиши шарт.
АОКА интернет-ОАВ гувоҳномаси рақами: 1221

TOP