Bugun, 30-iyul kuni «Koʻkaldosh» oʻrta maxsus islom bilim yurtida «Qurʼoni karim va tajvid» oʻquv kursining navbatdagi 71-davra mashgʻulotlari yakunlandi.

Tadbirda bilim yurti mudiri E.Erakayev, Oʻquv-uslubiy boʻlim boshligʻi F.Asatullayev, Qurʼoni karim va tajvid kursi oʻqituvchisi A.Isakov va M.Madraximov ishtirok etishdi.
Yigʻilishda bilim yurti mudiri E.Erakayev bitiruvchilarni mazkur kursni tugatganliklari bilan muborakbod etib, Qurʼoni karim tilovat qiluvchi va hofizi Kalomullohlarning fazilatlari, ularning Alloh taolo huzurudagi va barcha maxluqotlarning orasidagi darajalari haqida bayon qilib berdi hamda «Qurʼoni karim va tajvid» oʻquv kursini bitiruvchilariga berilgan sertifikat diniy taʼlim berishga hech qanday qonuniy asosga ega emasligini taʼkidlab oʻtdi va ularga kelgusi faoliyatlarida omad tilab oʻz soʻzini tugatdi.
Mazkur bosqich tinglovchilariga bilim yurti tomonidan «Qurʼoni karim va tajvid» oʻquv kursini yakunlanganini tasdiqlovchi sertifikatlar hamda sovgʻa sifatida Qurʼoni karim musʼhafi topshirildi.
Yigʻilish oxirida bilim yurti mudiri E.Erakayev bitiruvchilarga omad tilab ularning haqqilariga duoi xayr qildi.



«Koʻkaldosh» OʻMIBY Oʻquv kurslari boʻlimi






