“Koʻkaldosh” oʻrta-maxsus islom bilim yurtida yurtimizdagi boshqa oliy va oʻrta-maxsus islom bilim yurtlari hamda Xalqaro Islom Akademiyasi bilan muntazam ilmiy hamkorlik yoʻlga qoʻyilgan. Shu munosabat bilan Koʻkaldosh madrasasiga 2023-yilning 23-dekabr kuni Imom Buxoriy nomidagi Toshkent islom instituti hadis kafedrasi katta oʻqituvchisi, islom tarixi va siyrat fani boʻyicha yetuk mutaxassis, ustoz Saidahmedov Abdul Azim domla tashrif buyurdilar.



Tashrif chogʻida bilim yurti oʻqituvchi va bitiruvchi kurs talabalari bilan ilmiy suhbat tashkil qilindi. Suhbat davomida talabalarga ilm tahsilini oliy taʼlim muassasalarida davom ettirish boʻyicha zaruriy koʻrsatmalar berildi. Suhbat soʻngida ustoz talabalarning qiziqtirgan savollariga javob berdilar.






Oʻquv ishlari boʻyicha mudir oʻrinbosari
Nodir Jalolov





