Ёшлар ўртасида китобхонликни тарғиб қилиш мақсадида “Кўкалдош” ўрта махсус ислом билим юрти мудири М.Насриев Олмазор туманидаги 22-мактабда бўлиб ўз шахсий кутубхонасидан мактаб ўқувчилари учун китоблар тўпламини совға қилди. Жараён мактаб раҳбарияти, устозлар ҳамда ўқувчилар билан бевосита китоб ўқишнинг аҳамияти ҳақида суҳбатга айланиб кетди.
Китоб ўқиш машаққатли иш – дейди М.Насриев. Дарҳақиқат, китоб мутолааси кишидан қунт ва сабр, кучли хотира ва юксак фаҳм талаб этади. Шу билан бирга беқиёс шарафли амал-ки, китоб мутолааси туфайли инсон ҳаёт қонуниятларини чуқур англай боради, билим доираси кенгайиб, тушунчаси, дунёқараши ўсади, маънавий жиҳатдан юксалади. Китоб инсонга ҳузурбахш онларни ҳадя қилади.
М.Насриев ўқувчиларга ўзининг китоб билан ошно бўлиш борасидаги тажрибиларини сўзлаб берди.
Мактаб раҳбарияти ҳамда ўқувчилар Президентимизнинг мактаб кутубхоналарига китоб ҳадя қилиш бўйича чақириғи ифодасини ўз мактабларида кўрганларидан мамнун эканликларини изҳор қилдилар.
