Бугун Ўзбекистон мусулмонлари идораси томонидан “Кўкалдош” мадрасаси катта ўқитувчиси Жалолиддин Холмўминов домлага 2020 йил – “Илм, маърифат ва рақамли иқтисодиётни ривожлантириш йили”да фидокорона меҳнати, идора фаолиятини ривожлантириш, диний-маърифий ишлар самарасини оширишга қўшган муносиб ҳиссаси, коронавирус пандемияси шароитидаги фидойилиги учун “Энг илғор ўқитувчи” фахрий ёрлиғи топширилди.
Жалолиддин домла мадрасанинг энг ҳурматли, сермаҳсул ўқитувчиларидан бўлиб, дарс ўтиш, китоблар ёзиш, илмий-маърифий телекўрсатувларда иштирок этиш, диний-фиқҳий саволларга жавоб беришда фаоллиги ҳаммага маълум. Дарсдан ташқари пайтларда ҳам талаба ва устозлар турли масалалар юзасидан тез-тез мурожаат қилишади. У киши оғринмай, эринмай саволларга батафсил жавоб берадилар. Камсуқум домламизнинг хизматлари тан олиниши қандай ҳам яхши!
Эътироф муборак, домлажон!
“Кўкалдош” ўрта махсус ислом билим юрти матбуот хизмати.
