Эй биродарим! Сен аллоҳ таъолодан дуо қилиб сўраётган нарсалар ижобат бўлмаётганидан маҳзун бўлма. Сен дуо қилиб сўраётган нарсаларинг сен учун ҳозир манфаатли бўлмаслиги мумкин. Шуни унутмагинки, Аллоҳ таъоло бандасига нима нарса манфаатли экани-ю нима нарса манфаатсиз эканлигини Ўзи билади. Сен сўраган нарсалар сенга манфаат берадиган вақт келганда албатта Аллоҳ таъоло сен сўраган нарсаларни ижобат қилади.
Келинг биродарим! Шу ўринда барча нарсанинг одоби бўлгани каби дуо қилишнинг одоблари ҳам бор, уларни санаб ўтсак:
- Эзгу ният қилиш;
- Кўп дуо қилиш;
- Таҳоратли ҳолда дуо қилиш;
- Кафтларни ички тарафи билан дуо қилиш;
- Қўлларни баланд кўтариб дуо қилиш;
- Аллоҳга ҳамду сано билан бошлаш;
- Расулуллоҳ соллаллоҳу алайҳи васалламга салавот айтиш;
- Азму қарор билан бошлаш;
- Қалби бошқа нарса билан банд бўлмасдан дуо қилиш;
- Ижобатига аниқ ишониб дуо қилиш;
- Гуноҳ ишларни амалга ошириш учун ёки қариндошлик алоқаларини узиш учун дуо қилмаслик;
- Ўзига, молига, фарзандига зарар етишини сўраб дуо қилмаслик;
- Ўлим сўраб дуо қилмаслик;
- Дуо қилишда ҳаддан ошмаслик;
- Аллоҳ таъолога доимо муҳтож эканини изҳор қилиб дуо қилиш;
- Сермазмун ва унумли дуо қилиш;
- Кўпроқ офият сўраб дуо қилиш;
- Кўпроқ “Я Зал Жалали вал Икром”, деб дуо қилиш;
- Ялиниб дуо қилиш;
- Аллоҳнинг энг ожиз махлуқоти эканлигини ҳис қилиб дуо қилиш;
Эй биродарим! Мазкур одоблар дуонинг зарур ва машҳур одоблари бўлиб, дуо қилувчи ушбу одоблар билан зийнатланган бўлса ин шаa Аллоҳ бу одоблари самараларидан бу дунёда ҳам охиратда ҳам баҳраманд бўладиган саодатманд бандага айланади. Зеро, дуо ибодатнинг мағзидир.
“Кўкалдош” ўрта махсус ислом билим юрти
3—курс талабаси Бобожонов Элёр
