SIGN IN YOUR ACCOUNT TO HAVE ACCESS TO DIFFERENT FEATURES

FORGOT YOUR PASSWORD?

FORGOT YOUR DETAILS?

AAH, WAIT, I REMEMBER NOW!
KUKALDOSH.UZ
  • LOGIN

KUKALDOSH.UZ

  • Bosh sahifa
  • Madrasa
    • Madrasa tarixi
    • Rahbariyat
    • Yotoqxona
    • Axborot-resurs markazi
  • Yangiliklar
  • Maqolalar
    • Qurʼon ilmlari
    • Aqida
    • Fiqh
    • Tafsir
    • Hadis
    • Arab tili
    • Yurtimiz allomalari
    • Islom tarixi
    • Raddiyalar
    • Axloq va tarbiya
    • Bagʼrikenglik va jamiyat
    • Elektron kitoblar
  • Taʼlim
    • 4 yillik öquv dasturi
    • Ilm talab qilish odoblari
  • Kurslar
    • Qurʼoni Karim va tajvid kursi
    • Tayyorlov kursi
  • Qabul
    • Qabul tartibi
    • Kiriş imtihonlari 2027-2028
    • Ötiş ballari
    • Topşirganlar soni
    • Imtihon duolari
  • Boğlaniş
Аллоҳ таолога иймон келтириш ҳақида (2-қисм)
19.10.2023 / Bo‘limda Aqida, Maqolalar

Аллоҳ таолога иймон келтириш ҳақида (2-қисм)

١٠- سؤال: كيف الإعتقاد بأن صفاته سبحانه و تعالى خالفة لصافة الحوادث؟

10-савол: Аллоҳ субҳанаҳу ва таолонинг сифатлари махлуқотларнинг сифатларига мухолиф (ўхшамас) эканига эътиқод  қилмоқ қай тарзда бўлади?

جواب: هو أن نعتقد أن علم الله لا يشابه علمنا و أن قدرته لا تشابه قدرتنا و أن إرادته لا تشابه إرادتنا و أن حياته لا تشابه حياتنا و أن سمعه لا يشابه سمعنا و أن بصره لا يشابه بصرنا و أن كلامه لا يشابه كلامنا

Жавоб: Бу Аллоҳ таолонинг илми бизнинг илмимизга ўхшамаслигига, Унинг қудрати бизнинг қудратимизга ўхшамаслигига, Униг иродаси бизнинг иродамизга ўхшамаслигига, Унинг ҳаёти бизнинг ҳаётимизга ўхшамаслигига, Унинг эшитиши бизнинг эшитишимизга ўхшамаслигига, Унинг кўриши бизнинг кўришимизга ўхшамаслигига ва ниҳоят Унинг каломи бизнинг каломимизга ўхшамаслигига эътиқод қилишимиз билан.

١١- سؤال:  كيف الإعتقاد بأن أفعاله سبحانه و تعالى مخالفة لأفعال الحوادث ؟

11-савол: Аллоҳ субҳанаҳу ва таолонинг қиладирган ишлари бизларнинг қиладирган ишларимизга ўхшамаслигига эътиқод қилиш қай тарзда бўлади ?

جواب: هو أن نعتقد أن أفعال المولى سبحانه و تعالى لا تشابه أفعال شيء من الموجودات لأن المولى سبحانه تعالى يفعل الأشياء بلا واسطة ولا آلة «إنما أمره إذا أراد شيئا أن يقول له كن فيكون» و أنه لا يفعل شيئا لاحتياجه إليه و أنه لا يفعل شيئا عبثا أي بغير فائدة لأنه سبحانه و تعالى حكيم

Жавоб: Бу Аллоҳ субҳанаҳу ва таолонинг қиладирган ишлари махлуқотларидан биронтасининг қиладиган ишига ўхшамаслигига эътиқод қилишимз билан бўлур. Чунки Аллоҳ таоло қиладирган нарсаларини бевосита ва кўмаксиз амалга оширур. Зеро, “Қачон бирон нарсани ирода қилса, Унинг иши «Бўл» демоқликдир, холос. Бас, у нарса бўлур”[1]. Ва Аллоҳ таоло бирон нарсани унга муҳтож бўлгани учун қилмайди ҳамда бирон нарсани беҳудага яратмайди, чунки Аллоҳ таоло Ҳаким зотдир

١٢- سؤال: كيف الإعتقاد بقيامه تعالى بنفسه ؟

12-савол: Аллоҳ таолонинг бехожат зот эканлигига эътиқод қилмоқ қай тарзда бўлади ?   

جواب: هو أن نعتقد أن الله سبحانه و تعالى لا يحتاج إلى شيء من الأشياء فلا يحتاج إلى مكان و لا إلى محل و لا إلى شيء من المخلوقات أصلا فهو الغنى عن كل شيء و كل شيء محتاج إليه سبحانه و تعالى

Жавоб: Бу Аллоҳ  субҳанаҳу ва таолонинг бирон нарсага муҳтож бўлмаслигига, маконга ва жойга ҳамда махлуқотлардан биронтасига ҳам асло муҳтож бўлмаслигига эътиқод қилишимиз билан бўлур. Чунки Аллоҳ таоло ҳеч нарсага муҳтож эмас, балки ҳамма нарса Аллоҳга муҳтождир.

١٣- سؤال: كيف الإعتقاد بحياة الله سبحانه و تعالى ؟

13-савол: Аллоҳ таолонинг доимо ҳаёт (тирик) эканига эътиқод қилмоқлик қай тазда бўлади ?

جواب: هو أن نعتقد أن الله تعالى حي و أن حياته سبحانه و تعالى ليست كحياتنا فإن حياتنا بوسائط كجريان الدم و النفس و حياة الله سبحانه و تعالى ليست بواسطة شيء و هى قديمة باقية  لا يلحقها العدم و التغير أصلا

Жавоб: Бу Аллоҳ таолонинг доимо тирик эканига ва Унинг ҳаёти бизнинг ҳаётимизга ўхшамаслигига эътиқод қилишимиз билан бўлади. Чунки бизнинг ҳаётимиз қон оқиб туриши, нафас олиш ва руҳ каби воситалар сабаблидир. Аллоҳ таолонинг ҳаёти эса бирон нарсанинг воситаси билан эмас. Унинг ҳаёти қадимдирки аввали йўқдир ва боқийдирки поёни йўқдир, Унинг ҳаёти асло йўқ ҳам бўлмайди, ўзгармайди ҳам.

١٤- سؤال: كيف الإعتقاد بوحدانية الله تعالى ؟

14-савол: Аллоҳ таолонинг бирлигига (ёлғизлигига) эътиқод қилиш қай тарзда бўлади ?

جواب: هو أن نعتقد أن الله تعالى واحد ليس له شريك و لا نظير و لا مماثل و لا ضد و لا معاند

Жавоб: Аллоҳ таолони ёлғизлигига ва Унинг шериги ҳам, тенги ҳам, ўхшаши ҳам, муҳолифи ҳам ва қаршилик кўрсатгувчиси ҳам йўқ зот эканига эътиқод қилишимиз билан.

١٥- سؤال: كيف الإعتقاد بعلم الله تعالى ؟

15-савол: Аллоҳ таолонинг барча нарсани билгувчи зот эканига эътиқод қилиш қай тарзда бўлади ?

جواب: هو أن نعتقد أن الله تعالى موصوف بالعلم و أنه بكل شيء عليم يعلم الأشياء كلها ظاهرها و باطنها و يعلم عدد حبات الرمل و عدد قطرات المطر و أوراق الشجر و يعلم السر و أخفى لا تخفى عليه  خافية و علمه ليس بمكتسب بل يعلم الأشياء فى الأزل قبل وجودها  

Жавоб: Аллоҳ таолони барча  нарсаларни билиш сифати билан сифатланган зот эканига, У ҳамма нарсаларни билгувчи эканига, нарсаларнинг зоҳири (кўзга кўринадигани)ни ва ботини (кўзга кўринмайдигани)ни ҳам билишига, қумларнинг ададию ёмғир томчиларининг саноғини ва дарахт баргларининг қанчалигини билишига, сир ва хуфёна бўлаётган нарсаларни билишига, Унга бирон нарса махфий бўла олмаслигига, Унинг билиши кейин ҳосил қилинмаганига балким барча нарсаларни бу нарсалар яратилишидан олдин ҳам билувчи зот эканига эътиқод қилишимиз билан бўлади.

١٦- سؤال: كيف الإعتقاد بقدرة الله تعالى ؟

16-савол: Аллоҳ таолони ҳар нарсага қодир зот эканига эътиқод қилиш қай тарзда бўлади ?

جواب: هو أن نعتقد أن الله سبحانه و تعالى موصوف بالقدرة و أنه على كل شيء قدير لا فرق عنده بين خلق نملة و بين خلق جمل أو جبل يقدر فى أقل من لحظة أن يخلق مثل السموات و الأرضين و يقدر فى أقل من لحظة أن يزيل السموات و الأرضين

Жавоб: Бу Аллоҳ таолони қудрат сифати соҳиби эканига ва У ҳар нарсага қодир зот эканига эътиқод қилишимиз билан бўлур. Чунки Унга чумолини яратиш ҳам, туяни яратиш ҳам, тоғни яратиш ҳам баробардир. У бир лаҳзадан оз вақда Ер-у  осмонлар каби нарсаларни яратишга ҳамда бир лаҳзадан оз вақтда Ер-у осмонларни йўқ қилишга қодир зотдир.

١٧- سؤال: كيف الإعتقاد بإرادة الله تعالى ؟

17-савол: Аллоҳ таоло истаганини қилишига эътиқод қилиш қай тарзда бўлади ?

جواب: هو أن نعتقد أن الله تعالى موصوف بالإرادة و أنه مريد لا يقطع شيء إلا بإرادته فأي شيء أراده كان و أي شيء لم يرده فإنه لا يمكن أن يكون

Жавоб: Бу Аллоҳ таолони ирода сифати соҳиби эканига ва ҳеч нарса У зотни мажбурлай олмаслигига эътиқод қилишимиз билан бўлади. Аллоҳнинг иродасисиз бирор нарса бўлмайди. Аллоҳ нимани хоҳласа шу бўлади, Аллоҳ нимани хоҳламаса унинг бўлмайди.

١٨- سؤال: كيف الإعتقاد بسمع الله تعالى ؟

18-савол: Аллоҳ таоло барча нарсани эшитувчи зот эканига эътиқод қилиш қай тарзда бўлади ?

جواب: هو أن نعتقد أن الله سبحانه و تعالى موصوف بالسمع و أنه يسمع كل شيء سرا كان أو جهرا فيسمع صوت مشي النملة فوق الصخرة الملساء لكن سمعه سبحانه و تعالى ليس كسمعنا فإن سمعنا بواسطة الأذن و سمعه سبحانه و تعالى ليس بواسطة شيء

Жавоб: Бу Аллоҳ субҳанаҳу ва таолони эшитиш сифатига эга эканига ва У ҳар бир нарсани хоҳ у махфиёна бўлсин, хоҳ ошкора бўлсин эшита оладиган зот эканига эътиқод қилишимиз билан бўлур. У силлиқ тош устида юриб кетаётган чумолининг ҳам эшита олур. Лекин, Аллоҳ таолонинг эшитиши бизнинг эшитишимиз каби эмасдир,чунки биз қулоқ воситасида эшитамиз Аллоҳнинг эшитиши эса бирон аъзо ёки нарса воситаси билан эмасдир, балки ўзига лойиқ сифат билан эшитади.

١٩- سؤال: كيف الإعتقاد ببصر الله تعالى ؟

19-савол: Аллоҳ таоло ҳар нарсани кўришга қодир зот эканига эътиқод қилиш қай тарзда бўлади?

جواب : هو أن نعتقد أن الله سبحانه و تعالى موصوف بالبصر و أنه بكل شيء بصير.يبصر كل شيء حتى النملة السوداء فى الليلة الظلماء و أصغر من ذلك لا يخفى عن بصره شيء فى ظاهر الأرض و باطنها و فوق السماء و ما دونها لكن بصره سبحانه و تعالى ليس كبصرنا فإن بصرنا يكون بواسطة العين و الحدقة و المولى سبحانه و تعالى منزه عن ذلك.

Жавоб: Бу Аллоҳ субҳанаҳу ва таолони кўриш сифатига эга эканига ва У ҳар нарсани кўришга қодир зот эканига эътиқод қилишимиз билан бўлади. Зеро, Аллоҳ ҳар нарсани кўра билур, ҳаттоки, қоронғу кечада қора чумолини  ва ундан ҳам кичик нарсани кўра  олур. Осмоннинг ости-ю устида ва на ернинг таги-ю тепасида бирор нарса Унга кўринмай қолмас. Лекин Унинг кўриши бизнинг кўришимиз каби эмасдир, зеро, бизнинг кўришимиз кўз ва кўз қорачиғидаги гавҳар воситасида бўлур. Аллоҳ субҳанаҳу ва таоло эса бундай ташкилий аъзолардан покдир. У ўзига лойиқ кўриш сифати билан кўрур.

٢٠- سؤال: كيف الإعتقاد بكلام الله تعالى ؟

20-савол: Аллоҳ таолони сўзлашга қодир зот эканига эътиқод қилмоқлик қай тарзда бўлур ?

جواب: هو أن نعتقد أن الله سبحانه و تعالى موصوف بالكلام و أن كلامه لا يشبه كلامنا. فإن كلامنا مخلوق و بواسطة آلة من فم و لسان و شفتين. و كلامه سبحانه و تعالى ليس بواسطة آلة. و هو غير مخلوق.

Жавоб: Аллоҳ субҳанаҳу ва таолони калом (гапириш) сифатига эга зот эканига эътиқод қилишимиз билан бўлур. Аллоҳнинг сўзлаши бизнинг сўзлашимизга ўхшамайди, чунки бизнинг сўзлашимиз махлуқ (янгидан пайдо бўлган)дир ва икки лаб, тил, оғиз воситаси билан бўлур. Аллоҳнинг сўзлаши эса аъзо ёки бирон нарса воситаси билан эмасдир. Аллоҳ субҳанаҳу ва таолонинг каломи махлуқ ҳам эмасдир балки қадим ва азалийдир.

٢١- سؤال: أخبرني عن الصفات المستحيلة التى لا يتصف بها المولى سبحانه و تعالى.

21-савол: Аллоҳ субҳанаҳу ва таоло сифатланиши мумкин бўлмаган сифатлар қайсилар эканини айтиб беринг.

جواب: الصفات المستحيلة فى حق الله تعالى أي التى لا يمكن أن يتصف بها هي العدم و الحدوث و الفناء و المماثلة للحوادث و الإحتياج لغيره سبحانه و تعالى و وجود الشريك و العجز و الكراهية أي وقوع شيء بغير إرادته و الجهل و الموت و الصمم و العمى و البكم و أشباه ذلك و إنما إستحال إتصافه بها لأنها صفات نقصان و المولى سبحانه و تعالى لا يتصف إلا بصفات الكمال.

Жавоб: Аллоҳ субҳанаҳу ва таоло сифатланиши мумкин бўлмаган сифатлар бу: йўқ бўлиш , янгидан пайдо бўлиш, фонийлик (абадий бўлмаслик), махлуқотларга ўхшашлик, ўзгаларга муҳтож бўлиш, шериги бўлиш,ожиз бўлиш, мажбуланиши яъни бирон нарса Унинг иродасисиз бўлиши, нодонлик, ўлим, кар бўлиш, кўр бўлиш, соқов бўлиш ва шунга ўхшаш сифатлардир. Аллоҳ таоло бундай сифатлар билан сифатланиши мумкин эмас, чунки булар ноқислик сифатларидир, Аллоҳ субҳанаҳу ва таоло эса фақатгина комил сифатлар соҳиби бўлган зотдир.

٢٢- سؤال: أخبرني عن الأشياء التى يجوز صدورها من المولى سبحانه و تعالى ؟

22-савол: Аллоҳ субҳанаҳу ва таолодан содир бўлиши мумкин бўлган нарсалар ҳақида хабар беринг.

جواب: هي فعل الممكنات و تركها مثل أن يجعل الإنسان غنيا أو فقيرا جليلا أو حقيرا صحيحا أو سقيما جاهلا أو عالما و أشباه ذلك.

Жавоб: Булар бўлиши мумкин бўлган нарсаларни қилиш ва ёки қилмаслик. Масалан, бир кишини бой ёки камбағал қилиш, улуғ ё паст қилиш, соғлом ё касал қилиш, олим ё жоҳил қилиш ва шунга ўхшашлардир.


[1] “Ясин” сураси 82-оят.

«Кўкалдош» ЎМИБЮ ақоид фани мударриси
Алиакбар АБДУЛЛАЕВ таҳрири остида

Ушбу дарслар марҳум устоз Дўстмуҳаммад Насириддин Бодарий (р.а.)нинг «Ислом ақоидига доир жавоҳир сўзлар» таржима китоби асосида тайёрланди.

What you can read next

Фаришталарга иймон келтириш ҳақида
Фаришталарга иймон келтириш ҳақида
MUBORAK OY FAZILATLARI
Muborak oy fazilatlari
Уммати Муҳаммаддаги олов таъсир қилмаган инсон
Уммати Муҳаммаддаги олов таъсир қилмаган инсон

СЎНГИ МАҚОЛАЛАР

  • Mustaqillik — uluğ ne’mat

  • Kitoblar bilan muomala qiliş odoblari va ularni qölga kiritişga tarğib

  • ILM AMAL BILAN KAMOLGA YETADI

  • Ustoz va şogirdga umumiy bölgan odoblar

  • Kökaldoş madrasasida Xalqaro bağrikenglik kuniga bağışlangan “Zakovat” intellektual öyini taşkil etildi

ҚИДИРУВ ХИЗМАТИ

БЎЛИМЛАР

  • Bosh sahifa
  • Madrasa
  • Yangiliklar
  • Maqolalar
  • Taʼlim
  • Kurslar
  • Qabul
  • Boğlaniş

Тезкор ҳаволалар

  • Qabul tartibi
  • Kiriş imtihonlari 2027-2028
  • Ötiş ballari
  • Topşirganlar soni
  • Qurʼoni Karim va tajvid kursi
  • Tayyorlov kursi
  • 4 yillik öquv dasturi
  • Imtihon duolari

АЛОҚА

Тошкент 100208, Чилонзор тумани, Гулистон кўчаси, 37/1

+998 94 988 23 43

info@kukaldosh.uz

ХАРИТА

KökaldoşKökaldoş

Yandex xarita →Google xarita →

© 2018 - 2026. kukaldosh.uz | Ўзбекистон Мусулмонлари идораси "Кўкалдош" ўрта махсус ислом билим юрти.
Барча хуқуқлар химояланган. Сайтдан маълумот олинганда манба кўрсатилиши шарт.
АОКА интернет-ОАВ гувоҳномаси рақами: 1221

TOP