Bugun 17-may kuni Koʻkaldosh oʻrta maxsus taʼlim muassasasida peshin namozidan soʻng Qurʼoni karimni toʻliq yod olgan 2-kurs talabasi Muhammadov Muhammaddiyorni madrasa rahbariyati tomonidan taqdirlash marosimi oʻtkazildi.


Tadbir Qurʼoni karimning xatmi-sagʻir qilish bilan boshlandi, xatmi-sagʻirdan soʻng taʼlim muassasasi mudiri Abdulhakim qori Matqulov Muhammadov Muhammaddiyorni va uni Qurʼoni karimni toʻliq yod olishda taʼlim bergan ustozi Begzod Xoldorov haqiga hamda yurt tinchligi, dinimiz, millatimiz ravnaqi yoʻlida xizmat qilib mutavaffo boʻlib ketgan barcha vatandoshlarimiz, hozirda ushbu yoʻlda say-harakat qilayotgan yurtboshimiz, Din ishlari boʻyicha Qoʻmita, Oʻzbekiston musulmonlari idorasi rahbariyati va boshqa mutasaddilar haqqiga duoyi-xayrlar qildilar.


Tadbir soʻngida Abdulhakim qori Matqulov Qurʼoni karimni toʻliq yod olgan 2-kurs talabasi Muhammadov Muhammaddiyorga «Faxriy yorliq» hamda taʼlim muassasasi rahbariyati tomonidan tayyorlangan esdalik sovgʻalarini topshirdilar.


Taqdirlash marosimining videoshakli taʼlim muassasasining ijtimoiy tarmoqlarida yaqin fursatda eʼlon qilinadi.
Bizni kuzatishda davom eting!
«Koʻkaldosh» oʻrta maxsus islom taʼlim muassasasi Matbuot xizmati






