1. Savol: Roʻzaning ruknlari nimalardan iborat?
Javob: Niyat va bomdod namozining kirish vaqtidan to quyosh botgunga qadar roʻzani buzadigan narsalardan tiyilishdan iborat.
2. Savol: Roʻzaning niyat qilish hukmi, uning oʻrni va vaqti qachon?
Javob: Ibodatlarda niyat rukn hisoblanib, u boʻlmasa, ibodat ado topmay qoladi. Uning oʻrni aslida qalb boʻlib, niyatni til bilan aytish mustahabdir. Niyatning vaqti quyosh botgandan to bomdod vaqti kirgunchadir. Ammo bir kishi baʼzi sabablarga koʻra Ramozon oyida mazkur vaqtda niyat qila olmasa, choshgohgacha niyat qilsa boʻladi.
3. Savol: Ramazon roʻzasida har bir kuni uchun alohida niyat qilish kerakmi yoki butun oydan bitta niyat oʻtadimi?
Javob: Ramazon kunlarini alohida niyat qilish vojib boʻlib, ularning har bir kuni mustaqil ibodat hisoblanadi.
4. Savol: Niyat qilgandan soʻng kechasi yesa yoki biror ichimlik ichadigan boʻlsa, bu holatning hukmi qanday boʻladi, yangidan niyat qilish kerakmi?
Javob: Kechasi niyat qilgandan soʻng yeb-ichishning zarari yoʻq, bunday holda niyatni yangilash ham shart emas.
5. Savol: Toʻqqiz yoshga toʻlgan bolaga roʻza vojib boʻladimi?
Javob: Yosh bolalar balogʻatga yetgunga qadar roʻza vojib emas. Ularning balogʻatga yetishi ehtilom boʻlish va qizlarda hayz koʻrish bilan bilinadi. Mazkur holatlar kuzatilmasa, bola qamariy hisobda oʻn besh yoshga toʻlishi bilan balogʻatga yetgan hisoblanadi. Valiy (yaʼni ota, u boʻlmasa bobo va boshqa erkak qarindoshlar) yetti yoshga toʻlgan bolalarni roʻzaga buyurishi vojibdir.
6. Savol: Yosh bolalar roʻzaga qachon buyuriladi?
Javob: Roʻza ham namozga qiyosan yetti yoshda buyuriladi va qiziqtiriladi, ammo majburlanmaydi.
7. Savol: Aqlini tanigan yosh bola Ramazon roʻzasini bomdod vaqti kirmasdan niyat qilishi vojibmi?
Javob: Ramazon oyida yosh bolaga bomdod vaqti kirmasdan niyat qilishi lozim boʻladi, chunki unga Ramazon roʻzasi vojib emas.
Iordaniya bosh fatvo boshqarmasi manbalari asosida Mirzayev Kamoliddin
(davomi bor)






