Koʻkaldosh oʻrta maxsus islom taʼlim muassasasida 2025–2026 oʻquv yilining birinchi yarim yillik yakunlariga koʻra oʻzlashtirishi past boʻlgan talabalar bilan uchrashuv oʻtkazildi.
Mazkur uchrashuvda taʼlim muassasasi mudiri, PhD Maʼmurjon Erkayev, oʻquv ishlari boʻyicha mudir oʻrinbosari Djalolov Nodir domla hamda Oʻquv-uslubiy boʻlim boshligʻi Farhod Asatullayev ishtirok etdilar.


Uchrashuv davomida talabalar bilim darajasining pasayishiga olib kelayotgan omillar atroflicha tahlil qilinib, har bir talaba bilan individual tarzda suhbat olib borildi. Taʼlim muassasasi mudiri tomonidan talabalar bilan shaxsan tushuntirish ishlari olib borilib, masʼuliyatni oshirish, darslarga muntazam qatnashish va bilimlarni mustahkamlash borasida zarur tavsiyalar berildi.



Shuningdek, oʻzlashtirishi past boʻlgan talabalar boʻyicha tegishli chora-tadbirlar belgilandi hamda kelgusida bunday holatlarning qayta takrorlanmasligi uchun aniq vazifalar va profilaktik choralar belgilab olindi.
Mazkur uchrashuv taʼlim sifatini oshirish, talabalar masʼuliyatini kuchaytirish hamda oʻquv jarayonini yanada samarali tashkil etishga qaratilgan muhim tadbirlardan biri boʻldi.
Abdurahmon Ismoilov
«Koʻkaldosh» OʻMIBY Oʻquv-uslubiy boʻlim uslubchisi






