Amr qildimki, agar oʻgʻillarimdan qaysi birovi saltanat martabasiga daʼvogarlik qilib bosh koʻtarar ekan, uni oʻldirishga, qoʻllarini bogʻlashga yoki muchasidan biron joyini kamaytirishga hech kim jurʼat qilmasin. Lekin oʻz daʼvosidan kechmaguncha, uni asirlikda saqlasinlar, toki Xudoning mulkida urush chiqmasin. Agarda nabiralar yoki qavm-qarindoshlardan biri menga qarshi koʻtarilsa, uni darvishlik holatiga solsinlar. Saltanatim qoʻrgʻonlari boʻlmish amirlar, agar ish ustida nifoqqa borsalar, ularni martabasidan tushirsinlar va yerlari tortib olinsin. Agar davlatga ziyon yetkazgudek ish qilsalar, ular boshqa amirlarga tobe’ etilsinlar. Agar sipohiylik ishlarida yalqovlik qilgan boʻlsalar, ularga yozish-chizish bilan shugʻullanuvchilar orasidan ish berilsin. Agar shundan keyin ham xatolikka yoʻl qoʻyib, kaltabinlik qilsalar, ikkinchi bor xizmatga olmasinlar.
Amir Temur
Temur tuzuklaridan
Qayumov Muhammad 1-“V” guruh talabsi






