Bugun, 5 iyul kuni, Koʻkaldosh oʻrta maxsus islom bilim yurtida bilim yurti mudiri, islomshunoslik fanlari boʻyicha falsafa doktori, (PhD) Erkayev Mamurjon domla boshchiligida joriy oʻquv yili yakunlari boʻyicha 6-sonli mudarrislar kengashi boʻlib oʻtdi.

Koʻkaldosh oʻrta maxsus islom bilim yurti mudiri Erkayev Mamurjon domla kirish soʻzi bilan kengashni ochib berdi va majlisga yigʻilganlarga Mudarrislar kengashining kun tartibi bilan tanishtirdi.
Soʻng Mudarrislar kengashining kun tartibidan oʻrin olgan birinchi masala “Ikkinchi yarim yillik yakuniy nazorat monitoringini tashkil etish va tahlil qilish” boʻlib, uni tahlili va tafsilotlarini Koʻkaldosh oʻrta maxsus islom bilim yurti oʻquv ishlari boʻyicha mudir oʻrinbosari Nodir domla Djalolov kengashga yigʻilgan mudarrislarga yetkazdi.


Kun tartibidan joy olgan navbatdagi masala “Yoshlar bilan ishlash, maʼnaviyat va maʼrifat boʻlimi”ning yillik hisoboti eshitildi. Bundan tashqari bilim yurti Matbuot kotibi Rustam domla Axundjanovning va Devonxona mudiri Ohunjon Tangirovning yillik hisobotlari eshitildi. Yil mobaynida erishilgan yutuq va kamchiliklar mulohaza qilindi hamda keyingi oʻquv yilida yanada samarali faoliyat olib borish lozimligi barcha boʻlimlarga tavsiya berildi.

Yigʻilish yakunida bilim yurti mudarrisi Jaloliddin domla Xolmoʻminov majlisda qatnashgan barcha jamoa ahliga gʻoyatda masʼuliyatli, ammo sharafli vazifalarini toʻlaqonli amalga oshirishlarida Yaratgandan kuch-quvvat, salomatlik tiladi va xayrli duolar qildi.
«Koʻkaldosh» oʻrta maxsus islom bilim yurti ilmiy ishlar boʻyicha muhandis Shamsiddin Sulaymonov






