SIGN IN YOUR ACCOUNT TO HAVE ACCESS TO DIFFERENT FEATURES

FORGOT YOUR PASSWORD?

FORGOT YOUR DETAILS?

AAH, WAIT, I REMEMBER NOW!
KUKALDOSH.UZ
  • LOGIN

KUKALDOSH.UZ

  • Bosh sahifa
  • Madrasa
    • Madrasa tarixi
    • Rahbariyat
    • Yotoqxona
    • Axborot-resurs markazi
  • Yangiliklar
  • Maqolalar
    • Qurʼon ilmlari
    • Aqida
    • Fiqh
    • Tafsir
    • Hadis
    • Arab tili
    • Yurtimiz allomalari
    • Islom tarixi
    • Raddiyalar
    • Axloq va tarbiya
    • Bagʼrikenglik va jamiyat
    • Elektron kitoblar
  • Taʼlim
    • 4 yillik öquv dasturi
    • Ilm talab qilish odoblari
  • Kurslar
    • Qurʼoni Karim va tajvid kursi
    • Tayyorlov kursi
  • Qabul
    • Qabul tartibi
    • Kiriş imtihonlari 2027-2028
    • Ötiş ballari
    • Topşirganlar soni
    • Imtihon duolari
  • Boğlaniş
Гуноҳи кабиралар
01.03.2025 / Bo‘limda Maqolalar

Гуноҳи кабиралар

Бисмиллаҳир роҳманир роҳийм

Оламлар Робби Аллоҳ таолога ҳамду санолар, жанобимиз Муҳаммад соллаллоҳу алайҳи васалламга саловат ва саломлар бўлсин!

Ушбу мақолада катта гуноҳлар – гуноҳи кабиралар ҳақида сўз юритмоқчимиз. Гуноҳи кабиралар тенглиги ва даражаси жиҳатидан куфрдан кейинги ўринда туради. Гуноҳлар – катта гуноҳлар, кичик гуноҳларга бўлинади. Катта гуноҳлар: Катта хатарли гунохдардирки, уни қилганлар учун Аллоҳнинг ғазаби, лаънати ва дўзах ўти вожиб бўлади. Қолаверса бу гуноҳи кабира у кимсага бу дунёда ҳам жазони вожиб қилади.

Аллоҳ таоло гуноҳи кабиралардан четланган кишининг кичик гуноҳларини кечиб юборишини, сўнг уни жаннатга киргизишини айтиб шундай марҳамат қилади: “Агар сизлар ман этилган гуноҳларнинг (Аллоҳга ширк келтириш, ота-онага оқ бўлиш, бировни ноҳақ ўлдириш каби) катталаридан сақлансангизлар, қилган (кичик) гуноҳларингизни ўчирурмиз ва сизларни улуғ манзил – жаннатга киритурмиз”. (Нисо сураси: 31).

“Улар катта гуноҳлардан ва бузуқликлардан четланадиган, ғазабланган вақтларида эса (сабр қилиб) кечириб юборадиган зотлардир”. (Шўро сураси: 37).

“Улар (яъни, жаннатга сазовор бўлганлар) кичик хатолардан бошқа катта гуноҳлардан ва бузуқликлардан йироқ бўладиган зотлардир. Албатта, Парвардигорингиз мағфирати кенг зотдир…». (Нажм сураси: 32).

Расулуллоҳ соллаллоҳу алайҳи васаллам айтадилар: “Модомики, банда катта гуноҳлардан четланар экан, беш вақт намоз, жума кейинги жумагача ва рамазон кейинги рамазонгача бўлган кичик гуноҳларга каффоратдир”. (Имом Муслим ва Термизий ривояти).

Демак, қайси гуноҳлар кабира эканини билиб олишимиз ва ундан узоқ бўлишимиз лозим бўлади.

Баъзи уламолар гуноҳи кабираларни еттита, деганлар ва Расулуллоҳ соллаллоҳу алайҳи васалламнинг қуйидаги ҳадиси шарифини ҳужжат қилганлар: “Пайғамбар соллаллоҳу алайҳи васаллам: “Ҳалок қилувчи еттита гуноҳдан сақланинглар”, дедилар. “Улар қайсилар, эй Аллоҳнинг Расули?” деб сўрашганида, “Аллоҳга ширк келтириш, сеҳр, Аллоҳ (ўлдиришни) ҳаром қилган жонни ноҳақ ўлдириш, етим молини ейиш, судхўрлик, душмандан ортга чекиниш, бузуқ хаёл билан покдомон мўмина аёлларга туҳмат қилиш”, дея жавоб берганлар. (Имом Бухорий ва Муслим ривояти).

Ибн Аббос розияллоҳу анҳу эса: “Гуноҳи кабиралар еттитадан кўра, етмиштага яқинроқ”, деганлар. Юқоридаги ҳадисда эса, гуноҳи кабиралар сони еттита эмас, балки мазкур еттита амал гуноҳи кабиралардан экани баён қилинган, холос.

Алий Қорий “Мирқотул мафотиҳ”да келтиради: “Абу Толиб Маккий раҳимаҳуллоҳ “Қутул қулуб” (Қалблар озуқаси) китобида айтади: “Гуноҳи кабиралар борасида келган ҳадисларни жамладим. Шунда гуноҳи кабиралар асосан ўт еттита эканлигини билдим.

Тўрттаси қалбга оид гуноҳлар: ширк келтириш; маъсиятда давомий бўлишни ният қилиш; Аллоҳ таолонинг раҳматидан умид узиш; Аллоҳ таолонинг макридан хотиржам бўлиб қолиш.

Тўртта тилга тааллуқли гуноҳлар: ёлғон гувоҳлик (сўз); оилали ва покиза аёлларга туҳмат қилиш; ёлғон қасам; сеҳр.

Учта қоринга тааллуқли гуноҳлар: хамр (маст қилувчи ичимлик) ичиш; етимнинг молини ейиш; судхўрлик қилиш.

Иккитаси фарж (жинсий аъзо)га тааллуқли гуноҳлар: зино қилиш; бесоқолбозлик қилиш.

Иккитаси қўлга тааллуқли гуноҳлар: ноҳақ одам ўлдириш; ўғирлик қилиш.

Биттаси оёққа тааллуқли гуноҳ: жанг вақтида жанг майдонидан қочиш.

Биттаси бутун баданга тааллуқли бўлган гуноҳ: ота-онага оқ бўлиш”.

Бу чиройли тақсимот бўлган.  

Хулоса қиладиган бўлсак, кимда-ким одам ўлдириш, зино, ўғирлик каби дунёда шаръий жазо тайин қилинган, охиратда азобланиши ёки ғазабга учраши ҳақида таҳдид солинган, Пайғамбаримиз Муҳаммад соллаллоҳу алайҳи васаллам томонидан лаънатланган ёки “иймонсиздир”, “биздан эмас”, “биз ундан покмиз” каби жумлалар билан сифатланган бирор амални қилса, у гуноҳи кабира содир этган бўлади.

Шуни ҳам таъкидаб ўтиш керакки, айрим гуноҳи кабиралар бошқаларидан улканроқдир. Масалан, Расулуллоҳ соллаллоҳу алайҳи васаллам Аллоҳга ширк келтиришни гуноҳи кабиралардан, деб зикр қилганлар. Ваҳоланки, Аллоҳга ширк келтирган кимса – мушрикнинг гуноҳи ҳеч қачон кечирилмайди ва у дўзахда мангу қолади.

“Албатта, Аллоҳ Ўзига (бирон нарса ё кимсанинг) шерик қилинишини кечирмайди. Шундан бошқа гуноҳларни Ўзи хоҳлаган бандалари учун кечиради. Кимки Аллоҳга ширк келтирса, демак, жуда қаттиқ йўлдан адашибди”. (Нисо сураси: 116).

“Албатта, кимда-ким Аллоҳга ширк келтирса, Аллоҳ унга жаннатни ҳаром қилур, унинг борар жойи дўзахдир. Зулм қилгувчилар учун бирон ёрдамчи бўлмас”. (Моида сураси: 72).

Пайғамбар соллаллоҳу алайҳи васаллам: “Сизларга гуноҳи кабираларнинг энг катталари ҳақида хабар берайми?”, деб сўрадилар. “Ҳа, эй Аллоҳнинг Расули!”, дейишди. Расулуллоҳ соллаллоҳу алайҳи васаллам суянган ҳолда эдилар, ўтириб олдилар-да: “Огоҳ бўлинглар, ёлғон гапириш ва ёлғон гувоҳлик бериш”, дея кўп такрорлайвердилар, ҳаттоки биз, қанийди тўхталсалар, дедик”. (Имом Бухорий ва Муслим ривояти).

Ҳар қандай гуноҳдан, у хоҳ катта бўлсин, хоҳ кичик, дарҳол тавба қилиш вожиб, тавбани орқага суриш жоиз эмас. Бу иш Исломнинг энг муҳим жиҳати ва диннинг таъкидланган қоидаларидандир.

Аҳли сунна вал жамоа наздида тавбанинг вожиблиги Китоб ва Суннатдан олинган. Қуръон оятлари ва ҳадиси шарифлардан маълумки, ким Аллоҳ таолога чин юракдан астойдил тавба қилса ва унда тавба шартлари тўкис бўлса, Аллоҳ унинг тавбасини қабул қилади.

Холмуротов Асадулла Кўкалдош ўрта махсус ислом билим юрти ўқитувчиси

What you can read next

Ота-она меҳмондир
Ота-она меҳмондир
Илм учун 14000 кмлик сафар
Илм учун 14000 кмлик сафар
Тақдирга иймон – инсон учун роҳат
Иймон ва ҳаёт

СЎНГИ МАҚОЛАЛАР

  • Mustaqillik — uluğ ne’mat

  • Kitoblar bilan muomala qiliş odoblari va ularni qölga kiritişga tarğib

  • ILM AMAL BILAN KAMOLGA YETADI

  • Ustoz va şogirdga umumiy bölgan odoblar

  • Kökaldoş madrasasida Xalqaro bağrikenglik kuniga bağışlangan “Zakovat” intellektual öyini taşkil etildi

ҚИДИРУВ ХИЗМАТИ

БЎЛИМЛАР

  • Bosh sahifa
  • Madrasa
  • Yangiliklar
  • Maqolalar
  • Taʼlim
  • Kurslar
  • Qabul
  • Boğlaniş

Тезкор ҳаволалар

  • Qabul tartibi
  • Kiriş imtihonlari 2027-2028
  • Ötiş ballari
  • Topşirganlar soni
  • Qurʼoni Karim va tajvid kursi
  • Tayyorlov kursi
  • 4 yillik öquv dasturi
  • Imtihon duolari

АЛОҚА

Тошкент 100208, Чилонзор тумани, Гулистон кўчаси, 37/1

+998 94 988 23 43

info@kukaldosh.uz

ХАРИТА

KökaldoşKökaldoş

Yandex xarita →Google xarita →

© 2018 - 2026. kukaldosh.uz | Ўзбекистон Мусулмонлари идораси "Кўкалдош" ўрта махсус ислом билим юрти.
Барча хуқуқлар химояланган. Сайтдан маълумот олинганда манба кўрсатилиши шарт.
АОКА интернет-ОАВ гувоҳномаси рақами: 1221

TOP